बीरगंज ६ बैशाख । 
अन्तत बीरगंज महानगरपालिकाले सुविधा सम्पन्न कोमडड १९ अस्पताल संचालनमा ल्याउन शनिवार बीरगंजको गण्डक अस्पतालसंग सम्झौता गरेको छ ।

बीरगंज महनगरपालिकाका प्रमुख बिजय कुमार सरावगी र नेकपा महानगर कमिटीका अध्यक्ष एवं गण्डक अस्पतालका संचालक रहवर अन्सारीलाई साक्षी राखेर समझौता पत्रमा दस्तखत भएको छ । महानगरको तर्फबाट निमित्त प्रशासकीय अधिकत अरुण कुमार महतो र अस्पतालको तर्फबाट प्रमुख कार्यकारी अधिकृत मँुतुवा अन्सारीले हस्ताक्षर गर्नु भएको छ ।

सम्झौताको अवधी तीन महिनाको रहने उल्लेख छ ।  सम्झौतामा दोश्रो पक्ष रहेको गण्डक अस्पतालले अस्पताल उपलब्ध गराए बापतको कुने शुल्क नलिने सम्झौतामा उल्लेख छ  ।अस्पतालले आफूसंग रहेको भवन ,उपकरण लगायतका सबै कुराहरु उपलब्ध गराउने छ । 

 । तर अस्पतालले तिर्नु पर्ने बिजुली पानी ,उपकरणको मर्मत सम्भार जेनरेटर तथा खाना खर्चमा लाग्ने रकम भने समझौतामा पहिलो पक्ष भनिएको बीरगंज महानगरले भूक्तानी गर्ने छ । महानगरले सूचना गरेको २४ घण्टा भित्रमा अस्पताल उपलब्ध गराउनु पर्ने समझौतमा उल्लेख  ।

कोभिड अस्पताललाई आवश्यक पर्ने जनशक्तिको ब्यवस्था नारायणी अस्पतालका मेडिकल सुपरिटेण्डेण्टकोेको संयोजकत्वमा गठन भएको समितिको निर्देशन अनुसार हुने उल्लेख छ ।

कोभिड १९ अस्पतालमा खटिने सम्पूर्ण जनशक्तिको तलब भत्ता ,इन्सुरेन्स क्षतीपूर्ती नेपाल सरकारको नियमानुसार बीरगंज महानगरले ब्यहोर्ने सम्झौतामा उल्लेख छ । अस्पतालमा खटिने जनशक्तिको खाना ,क्वारेन्टिन तथा यातायातको ब्यवस्था र अस्पतालमा हुने टेष्टहरु, स्वास्थ्यकर्मचारीकलागि अवश्यक स्वास्थ्य सुरक्षा उपकरणहरु सबैको ब्यवस्थापन बीरगंज महानगरपालिकाले गर्ने छ ।

अस्पतालमा उपकरण अभाव भएमा अस्पतालसंगको सम्न्वयमा महानगरले त्यस्तो उपकरणको आपूर्ती गर्ने छ । अस्पतालले बिरामीसंग कुनै शुल्क लिन पाउने छैन । अन्य बिषयमा दुबै पक्षको सहमतीमा निर्णय लिन सकिन प्रवन्ध राखेर समझौता सम्पन्न भएको छ ।

महानगरले आफना नागरिककालागि कोरोना उपचारको अस्थायी अस्पताल बनाएर महामारीको ब्यवस्थापनमा महत्वपूर्ण कदम निर्वाह गरेको छ । सुविधा सम्पन्न कोरोना अस्पताल नागरिक प्रतिको जिम्मेवारीका कारण सम्भव भएको छ ।

आफूले संचालन गर्दै आएको अस्पताल निशुल्क रुपमा कोरोना अस्पताल संचालनकालागि दिएर युवा नेता अन्सारीले संकटमा जनताको साथमा उभिने आफनो परिचयलाई फेरी एक पटक प्रमाणीत गर्नु भएको छ । अन्सारीले अस्पताल दिने भनेर समाजिक संजालमा लेख्दा धेरैले महामारीको बेलामा गरिएको “स्टन्ट” भन्दै घोषणालाई भद्धा मजाक मनाएका थिए ।

तर आज नोपलको करार कानून आकर्षित गर्दै अस्पताल उपलब्ध गराउने कानूनी कागजमा हस्ताक्षर गरेर अन्सारीले समाजिक संजालमा निम्छरो तर्क गरेर रमाउने  अराजक सकारात्म र सृजनात्मक हुन नसक्नेहरुलाई गतिलो जवाफ दिनु भएको छ ।

महानगर नेतृत्वले प्रदेश र संघ सरकारले आँट गर्न नसकेको आँटेर गरि देखाउन सफल भएको छ । होस्टे मा हैैसे गर्दै अन्सारीले नागरिकको जीवन रक्षा पहिलो प्राथमिकता भन्ने कुरा स्थापित गरेका छन । 

समझौता पछि स्वास्थ्य मंत्रालयको टोली बीरगंजका चिकित्सक बीरगंज महानगरको टोलीले गण्डक अस्पतालको भौतीक निरिक्षण गरेको महानगरका अवैतनीक प्रेस सल्लाहकार गोविन्द देवकोटाले जानकारी दिनु भयो ।