८१ वर्षिय आमा कोरोना जीतेर घर फिर्ता , संक्रमीतको संख्या ४७, निको हुनेको संख्या नौ पुग्यो
काठमाण्डौ ११ बैशाख
कोरोना भाइरसको संक्रमण पोजेटिभ देखिएकी बीरगंजमा ब्यवसाय संचालन गर्दै आउनु भएकी महिला उपचार पछि घर फर्किनु भएको छ ।
बीरगंजबाट लकडाउनका बेला नै कैलाली पुग्नु भएकी महिलामा चैत २२ गते कोरोना भाइरस संक्रमण पोजेटिभ देखिएको थियो ।
कैलालीको लम्की चुहा नगरपालिका १ कि ५० बर्षीया महिला सेती प्रादेशिक अस्पतालबाट आज डिस्चार्ज हुनु भएको हो । उहाँको लगातार दुई पटक थ्रोट स्वाब परीक्षण गर्दा पनि रिपोर्ट नेगेटिभ आएपछि अस्पतालबाट डिस्चार्ज गरिएको सेती प्रादेशिक अस्पतालले जनाएको छ ।
कैलाली पुगेर १२ दिन क्वारेन्टाईनमा बस्नु भएकी उहाँ कोरोनालाई जीतेर घर फर्किनु भएको छ । यो सँगै सुदूरपश्चिम प्रदेशमा चार जना संक्रमित कोरोनालाई जितेर घर फर्किएका छन्। अव सेती अस्पतालको आईसोलेसनमा एक जना संक्रमित महिला मात्र उपचाररत छिन्।
यता काठमाडौंमा पनि दुई जना संक्रमित निको भएर आजै अस्पतालबाट डिस्चार्ज भएका छन्।
काठमाडौंको पेप्सीकोलास्थित सनसिटी अपार्टमेन्टका दुईजना कोरोना सङ्क्रमित पाटन अस्पतालमा उपचारपछि कोरोनामुक्त भएका छन्। कोरोनामुक्त हुनेमा ५८ वर्षीय पुरुष र ८१ वर्षीय महिला छन्।
उनीहरूको पछिल्लो परीक्षणमा कोरोना नेगेटिभ देखिएपछि आज (बिहीबार) डिस्चार्ज गरिएको स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले जानकारी दिनु भयो ।
बेलायतबाट आएर सनसिटीमा बस्दै आएका एकै परिवारका ३ जनामा गत वैशाख १ गते गरिएको र्यापिड टेस्ट (आरडिटी) मा कोरोना पोजेटिभ देखिएपछि उनीहरूलाई पाटन अस्पतालमा भर्ना गरिएको थियो। वैशाख २ गते गरिएको पिसिआर परीक्षणमा बुहारीबाहेक दुई जनामा कोरोना सङ्क्रमण पुष्टि भएको थियो।
यो सँगै नेपालमा कोरोनाबाट निको हुनेको सङ्ख्या ९ जना पुगेको छ। बाँकी बिरामीको देशभरका विभिन्न अस्पतालमा उपचार भइरहेका छ।
स्वास्थ्य तथा जनसंख्या मन्त्रालयका प्रवक्ता डा . विकास देवकोटाले आज थप दुई जनामा कोरोना पोजेटिभ देखिएको बताउनु भयो । आज गरिएको मिडिया ब्रिफिङमा जनकपुरका १४ वर्षीय किशोर र उदयपुरकी ५५ वर्षीय एक महिलामा कोरोना पोजेटिभ देखिएको जानकारी दिनु भयो । योसँगै नेपालमा कोरोना संक्रमितको संख्या ४७ पुगेको छ ।
सम्बन्धित शीर्षकहरु
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया