बिकासको सपना देख्ने एमालेसंग पुरा गर्ने सामथ्र्यपनि छ : नेता अन्सारी

8/12/2017 गते 00 00 मा प्रकाशित 1190 पटक पढिएको

बीरगंज २८ साउन ।
नेकपा एमालेको जनसंगठन अखिल नेपाल महिला संघले शनिवार बीरगंजमा भब्य हरितालिका तीज समारोह सम्पन्न गरेको छ ।
   बीरगंजको पुरानो बाबा होटेलको सभाहलमा भएको कार्यक्रममा सैयौ महिलाहरुको सहभागिता रहेको थियो । कार्यक्रम ब्यवस्थापन गर्न आयोजकलाई हम्मे हम्मे परेको थियो । एमालेको चुनावीगीतमा महिलाहरुले नृत्य गरेका थिए । बीरगंजको १७ वडा बाटै महिलाहरुको सहभागिता रहेको थियो । २ हजार बढी महिलाहरुको सहभागिता रहेको अनेमसंघ पर्साका इन्चार्ज एवं केन्द्रीय सदस्य निर्मला देवकोटाको दावी थियो । पानी प¥यो जसले गर्दा ब्यवस्थापनमा निकै समस्या प¥यो । कार्यक्रमकालागि तयार पारिएको हल महिला सहभागिताको अनुपातमा सानो भयो । जसले गर्दा होटेलका तीनवटा हलमा कार्यक्रम संचालन भयो ।
   कार्यक्रममा नेकपा एमालेको तर्फबाट बीरगंजका मेयरका उम्मेदवार बसरुदिन अन्सारीले बीरगंज र बीरगंजबासीको समृद्धिको सपना एमालेले पुरा गर्ने दावी गरे । उनले नेपाली महिलाको राजनीतिमा सहभागिताको वर्तमन अवस्था एमालेका कारण आएको चर्चा गर्दै उनले सपना देख्ने एमालेसंग सपना पुरा गर्ने, सामथ्र्य रहेको बताए । उनले एमालले मधेशका निम्ति गरेको काम अरुको तुलनामा निकै माथि रहेको चर्चा गर्दै मधेशी जनताको साथमै बीरगंजमा एमालले सरकार बनाउने उनको दावी थियो । उपमेयरका उम्मेदवार सोफिया आचार्यले बीरगंजलाई धुवा धुलो र हिलोमुक्त बनाउने प्रतिवद्धता जनाईन ।
   अखिल नेपाल महिला संघ बीरगंज महानगर समितिका अध्यक्ष उर्मिला शर्माको अध्यक्षतामा भएको कार्यक्रममा नेकपा एमालेका केन्द्रीय सदस्य रामचन्द्र साह,पर्सा संयोजक प्रभू हजरा एमाले नेताहरु चीरन्जीवी आचार्य मनोज चौधरी उसमान अन्सारी प्रभा खडका मजदुर नेतृ गीता भण्डारी एमाले नेता नवराज शर्मा लगायतको सहभागिता रहेको थियो ।