संशोधन विधेयक मतदानमा लैजाने , चुनावमा सहभागी हुन राजपा तयार

8/11/2017 गते 00 00 मा प्रकाशित 1156 पटक पढिएको

बीरगंज २७ सउन ।भारतीय बिदेशमंत्री सुषमा स्वराजको बिमस्टेक बैठकमा सहभागिताकोलागि नेपाल भ्रमण र सर्वोच्च अदालतद्वारा स्थानीय तहको संख्याका सम्बन्धमा परेको रिट खारेजीले नेपाली राजनीतिको दिशा मोडिएको छ ।

सम्बिधान मधेश बिरोधी भन्दै आन्दोलनमा उत्रिएका मधेशकेन्द्रीत दलहरुले सम्बिधान संशोधनको प्रस्ताव पासै हुनु पर्ने अडान राख्दै आएका थिए । अहिले एकाएक आफनो अडानबाट मधेश केन्द्रीत दलहरुकोवीचमा एकता भएर बनेको राजपा पछाडि हटेको छ ।
सरकार र राष्ट्रिय जनता पार्टी संसदमा विचाराधीन संविधान संशोधन विधेयकलाई तत्काल निर्णयार्थ पेश गर्न सहमति भएका छन् । यससँगै राजपा प्रदेश २ मा हुने स्थानीय चुनावमा सहभागी हुनेछ ।

सत्तारुढ कांग्रेस, माओवादी केन्द्र र राजपाका शीर्ष नेताहरुबीच शुक्रबार बिहान बालुवाटारमा भएको छलफलमा संशोधन अघि बढाउने सहमति भएको हो । सम्भवत आगामी मंगलबार संशोधन विधेयकमाथि संसदमा मतदान निर्णयकालागि पेश गरिने छ ।

‘संशोधनलाई तत्काल अघि बढाउने र पारित गर्ने सहमति भएको छ । राजपाका नेताहरुले संशोधन प्रस्ताव पास हुने कुटनैतिक प्रतिक्रिया दिन थालेका छन । राजपा नेता शरत सिंह भण्डारीले प्रस्ताव पास हुने बताएका छन । सम्बिधान संशोधन प्रस्ताव संसदमा प्रस्तुत भएपनि संशोधनको पक्षमा दुई तिहाई पुग्ने सम्भावना देखिएको छैन ।

सत्तारुढ दलका नेताहरुका अनुसार संशोधन विधेयक पास गर्न प्रयास गर्ने तर, पास फेल जे भएपनि परीणामलाई स्वीकार गर्दै राजपा चुनावमा जाने सहमति भएको छ ।

राजपा नेता भण्डारीले पनि त्यो स्वीकार गरे । ‘प्रक्रियामा गएपछि खेलको नियमबाट भाग्ने कुरा हुँदैन उनले भने, ‘यदि कसैले फेल गराउने प्रयास गर्छ भने उसलाई सजाय दिन पनि हामी जनतामाझ जानुपर्छ । हामी आफ्नो कुरा लिएर चुनावमा जान्छौं ।