बीरगंज १ मंसिर । एउटा भोट औसतमा १ हजार रुपैयामा खरिद बिक्री हुदो रहेछ । त्यो बिक्री भएको भोट एकदिनकोलागि होइन पाँच वर्षको लागि हो । १८ सय दिनका लागि हो । एउटा भोटको मूल्य एक दिनमा पचपन्न पैसा पर्दो रहेछ । आजकल बाटोमा भिखमाग्दै हिडनेले पाँच रुपैया भन्दा कम पायो भने फालिदिन्छ । तर हामी भिख माग्ने भन्दा पनि कमजोर भएर पचपन्न पैसामा हाम्रो भोट बेच्दै छौ । यो भोट बिक्री मात्र होइन हाम्रो स्वभिमान,सार्वभौसत्ता र निष्ठा बिक्री भइरहेको छ । हामी यसको पक्षमा छैनौ ,भोट नदिनुहोस मन्जुर छ तर यो खाले  प्रवृतिको बिरुद्धमा हामी छौ ।हामी भोट किन्नकोलागि तपाईलाई पचपन्न पैसा दिने नैतीक सहास भएकाहरु पनि होइनौ । हामी भोट किन्दैनौ । 
३१ वर्षे युवाले मतदातालाई मत मूल्य अहिले देखिएको खरिद बिक्रीे प्रवृतिको बिषयमा बताइरहदा कार्यक्रम स्थल तालीले गुन्जायमान भयो । त्यो तालीले ति युवाको भावनालाई आत्मसात मात्र गरेको थिएन , हामी भोट बेच्ने हौइनौ भनिरहेको थियो । तालीले ,तिम्रो निष्ठालाई सलाम छ भन्दै थियो । हो तिनै युवा जो अहिले देशभरिकै युवाकालागि आकर्षण र चासोको बिषय बनेका छन । पर्साको निर्वाचन क्षेत्र नं १ को “क”बाट प्रदेश सभा सदस्यमा वामगठबन्धनका उम्मेदवार रहवर अन्सारी ।

उनी जनताको वीचमा जादा जनतामा अर्कै उत्साह संचार हुन्छ ।युवा युवतीले मात्र हैन बयस्कहरुले पनि उनलाई घेर्छन । गरमजोशीका साथ हात मिलाउछन एक दुई पोज फोटो लिन्छन । धर्यैतापूर्वक उनलाई सुन्छन । अन्सारीलाई सबैले अशाको दृष्टिले हेर्छन । जीउडाल मिलेका आकर्षक युवा ब्यक्तित्व अन्सारीको जस्तो राजनीति प्रति सुझबुझ समकालीन युवाहरुमा बिरलै भेटिन्छ । उनी जनताको वीचमा आफना कुरा प्रष्ट राख्छन । अन्य कुनै राजनीतिक दलको आलोचना उनको भाषणमा पर्दैन ।

उनी बिकास र समृद्धि प्राप्तीको कुरा गर्छन । चुनावमा पर्साले सधै हा¥यो अव जित्नु पर्ने कुरा गर्छन । ब्यक्ति को हो उनकोलागि महत्वपूर्ण कुरा होइन । महत्वपूर्ण कुरा उनकालागि बृहतर हित हो । आत्मनिर्भर अर्थतन्त्रको बिकासका माध्यमले स्वाधिनता पाउनु हो ।

चुनाव ब्यक्तिले जिते तर पर्साले हा¥यो के अव पनि हामी हार्ने चुनावमा सहभागि हुने हो ? उनी आफना अगाडि रहेका मतदातालाई सोध्छन । जवाफ पाउछान होइन ।  उनको प्रस्तुतीमा शालीनता छ , शब्दमा मिठास तर बिषय गम्भिर खालको । सामान्य मान्छेले बुझने भाषामा उनको प्रस्तुती ।बिषय प्रतिको दखल त्यसलाई प्रस्तुत गर्ने आकर्षक शैली उनलाई सुनीरहु जस्तो लागि रहने ।

    उनी उम्मेदवारहरुको तुलनामा पनि गर्छन । सार्वजनीक नीति प्रशासनमा बिदेशमा स्नातोकोत्तर अध्ययन गरेका अन्सारी आफनो क्षमताको आधारमा यस्तो तुलना गर्ने गरेको बताउछन । उनी हाकाहाकी भन्छन । बिना कुनै संकोच भन्छन । पर्साको निर्वाचन क्षेत्र नं १ मा बिचारी जस्तो इमान्दार नेता मैदानमा अरु छैनन । निष्ठा र इमान्दारीताको प्रतिमूर्ती, लामो राजनीतिक पृष्ठभूमी भएको सरल, आवश्यक परेको बेलामा जनताको दैलोमा पुग्न सक्ने त्यसैपनि“एम्बुलेन्स”नेताको उपाधी पाएका नेता  बिचारी यादवलाई जिताउनु जनताको दायित्व समेत हो ।