वीरगन्ज, १२ मंसिर । वीरगन्जमा मंगलबार सुर्य चिन्ह र हसिँया हथौडा अंकित राता झण्डाहरुले फहराएको छ । हजारौं राता मान्छेहरु झण्डा लिएर सडकमा उत्रिएका थिए ।

प्रतिनिधिसभा तथा प्रदेशसभा निर्वाचनमा दलहरु चुनावी मैदानमा रहँदा बामगठबन्धनका उम्मेदवारहरुले पनि वीरगन्जको सडकमा लालझण्डा फहराए र शक्ति प्रदर्शन गरेका छन् ।

कांग्रेस आफ्नो साम्राज्य ठान्ने पर्सा जिल्लामा पहिलो संविधानसभाको निर्वाचनमा क्षेत्र नम्बर १ मा मधेसी जनअधिकार फोरम नेपाल र क्षेत्र नम्बर ४ मा नेकपा एमाले विजयी भएको थियो ।  बाँकी ३ वटा निर्वाचन क्षेत्रमा नेपाली कांग्रेसले नै जितेको थियो ।

दोश्रो संविधानसभाको निर्वाचनमा पाँचवटा क्षेत्र मध्य तीनवटा क्षेत्र नेकपा एमालेले कब्जा ग¥यो । त्यतिखेरदेखि नै कम्युनिष्टले पकड जमाएको पर्सामा पछिल्लो समयमा नेकपा माओवादी र एमालेको गठबन्धनले कम्युनिष्ट एकतालाई थप मजबुद बनाएको छ ।

दुवै पार्टीका कार्यकर्ताहरु पनि उत्साहित भएका छन् । यसले बामगठबन्धनलाई थप बल पुगेको छ । यसपटक बामगठबन्धनको जित सुनिश्चित हुने आनुमान गर्न थालिएको छ । मंगलबार वीरगन्जको सडकमा देखिएका राता मान्छेहरुको ठूलो जनलहरले पनि अब बामगठबन्धनको जित सुनिश्चित भएको संकेत गरेको छ ।

साम्राज्यवाद र विस्तारवादको संरक्षणमा देशभित्रै विखण्डनवादी तत्वहरुबाट भएको विरोधको सामना गर्नुपरेको कम्युनिष्टका राता मान्छे जब सडकमा लालझण्डा लिएर उत्रिए वीरगन्जको सडक राताम्य भएको थियो । सडकमा राता मान्छेहरुको लस्करले मतदाताहरुलाई पनि बामगठबन्धन भन्दा विकल्प अरु हुन सक्दैन भन्ने मानसिकतामा पारेको छ ।

राजनीतिक संस्कार, विचार र सिद्धान्तमा लागेका राता मान्छेहरुको वीरगन्ज सहरमा सयौंको लहरले कुनै विपक्षीलाई न त गाली गरेको थियो न त विरोध नै ! सोमबार मात्रै वीरगन्जको माईस्थानमा रिपोर्टस क्लब नेपालले आयोजना गरेको साक्षात्कार कार्यक्रममा नेपाली कांग्रेस र संघीय समाजवादी फोरम नेपालका कार्यकर्ताहरुले देखाएको अराजकत र असभ्य व्यवहारले आजित वीरगन्जवासीलाई मंगलबार वीरगन्जको सडकमा देखिएको राता मान्छेहरुको जनलहरले निकै हौस्याएको छ ।

उनीहरुलाई पनि लागिरहेको छ । राजनीतिको नाममा हुने हैकमवाद र दादागिरीलाई अब विस्तारै स्खलित हुदै गएको छ । सधैं धाक, धम्की र डर त्रासबाट आतंकित वीरगन्जवासीहरुले पनि अब यस्ता उछृंखल गतिविधि नियन्त्रणका लागि विकल्प खोजिरहेका छन् ।

पञ्चायतकाल, बहुदलीय प्रजातन्त्र, सशस्त्र जनयुद्धको समयमा जति दुःख पीडा भोगेका थिए त्यो भन्दा बढी पीडा सशस्त्र भूमिगत समूह र मधेस आन्दोलनको नाममा भएको पटक पटको आन्दोलनले मधेसी जनता पीडित बनेका छन् ।

पर्सा निर्वाचन क्षेत्र नम्बर १ का प्रतिनिसिभा सदस्य उम्मेदवार विचारी यादव, क्षेत्र नम्बर २ का प्रतिनिधिसभा सदस्य उम्मेदवार महम्मद सलिम मन्सुर त्यस्तै क्षेत्र नम्बर १ का प्रदेशसभा ख का उम्मेदवार शम्भु गुप्ता लगायतका उम्मेदवाहरुले नेतृत्व गरेको मार्चपास नेकपा एमालेका पर्सा संयोजक प्रभु हजारा, नेकपा माओवादी केन्द्रका महाधिवेशन आयोजक समितिका सदस्य बाबुराम कौशिक लगायतका बामगठबन्धनका नेताहरुको नेतृत्वमा ¥याली निकालिएको थियो ।