माओवादी पर्साका कारवाही प्रकरण, अर्याल र महतो साधारण सदस्य पनि रहेनन
बीरगंज १२ पुष ।
पर्सामा माओवादीको असन्तुष्ट पक्षले आज पत्रकार सम्मेलन गरेर पार्टी केन्द्रीय सचिवालय सदस्य उर्मिला अर्याल जिल्ला अध्यक्ष बिजय महतोलाई कारवाही गरेको घोषणा गरेको छ ।
उनीहरु दुबै जनलाई पार्टीको साधारण सदस्य समेत नरहने गरि पार्टीबाट निष्काशन गरिएको आज बीरगंजमा पत्रकार सम्मेलनको आयोजना गरेर सार्वजनीक गरिएको हो ।
पार्टीका केन्द्रीय सल्लाहकार जालिम मिया र जिल्ला अध्यक्ष बाबुराम कौशीकले जारी गरेको बिज्ञप्तिमा स्थानीय तह र प्रतिनिधि तथाप्रदेश सभा निर्वाचनमा भएको पराजयको कारण महतो र अर्याल रहेको भन्दै कारवाही गरिएको उल्लेख छ ।
यस अघि प्रतिनिधिसभा र प्रदेशसभा निर्वाचनमा उर्मिला अर्याललाई हराउन लागेको भन्दै जगरनाथपुर गाउँपालिका प्रमुख जालिम मियाँ र पार्टी अध्यक्ष र अवैध रुपमा चन्दा असुल गरेर पार्टीको हित विपरीत कार्य गरेको भन्दै जिल्ला नेता बाबुराम कौशिकलाई पार्टीबाट निष्काशन गरिएको थियो ।
उनीहरुलाई पार्टी सचिवालय सदस्य तथा पर्सा इन्चार्ज अर्याल पोलिट ब्यूरो सदस्य छोटेलाल यादव र जिल्ला अध्यक्ष महतोले कारवाही गरेका थिए ।
दुवैपक्षले निश्कासन गरेको दावी गरिरहेको अवस्थामा उनीहरु दुवै पक्षले गरेको कारवाहीमा वैधानिकताको प्रश्न खडा भएको छ । अर्यालय पक्षले कारवाही गरिएको भनिएका जगरनाथपुर गाउँपालिकाका अध्यक्ष जालिम मियाँ पार्टीको केन्द्रीय सल्लाहाकार समिति सदस्य समेत रहेकोले उनलाई जिल्ला कमिटिले कारवाही गर्नु विधान विपरित रहेको मिया पक्षको दावीछ ।
त्यस्तै यता जालिम मियाँ पक्षले गरेको कारवाहीमा पनि पार्टी केन्द्रीय सचिवालय सदस्य जिल्ला इन्चार्ज र संयोजकलाई जिल्ला कमिटीले कारवाही गर्न नसक्ने प्रष्ट छ ।
पर्सामा भएको लज्जास्पद हार ढाकछोप गर्नका लागि दुवैपक्षले एकअर्कालाई दोषारोपण गरेर कारवाही गरेको भन्दै पार्टीको कारवाहीबाट बच्ने बाटो खोजेको बुझिएको छ ।
पार्टीको केन्द्रीय नेतृत्वले पनि पर्साको विवादलाई वेवास्ता गर्दै आएको छ । पार्टीमा उर्मिला अर्याल, जालिम मियाँ, बाबुराम कौशिक तीनैजना प्रचण्ड पक्षकै नेताहरु मानिन्छन् ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया