पर्साको पोखरियामा नगरपालिकामा नेकपा माओवादी केन्द्र र जनता समाजवादी पार्टीका बीचमा मिलेर चुनाव लड्ने बिषयमा सहमती भएको छ । नेकपा माओवादी केन्द्र र जनता समाजवादी पार्टीका स्थानीय नेताहरुको आज सम्पन्न छलफलले यस्तो सहमती गरेको हो ।
पोखरिया नगरपालिकामा नेकपा माओवादी केन्द्रले ६ वटा वडामा उम्मेदवारी दिएको नेकपा माओवादीका नेता रामबाबु बैठाले बताए । पोखरिया नगरपालिकाका उपमेयर सलमा खातुनले पनि सामाजिक संजाल मार्फत छलफल हुदै गर्दाको फोटो राखेर दुबै पार्टीका वीचमा सहमती भएको कुरालाई सार्वजनीक गरेकी छिन ।
पोखरिया नगरपालिकाको प्रमुख र उपप्रमुखमा नेकपा माओवादी केन्द्रले जनता समाजवादी पार्टीलाई सघाउने माओवादी नेता बैठाले बताए । भरे सम्ममा वडाको प्रतिस्पर्धाको अवस्थाको मूल्याकंन गरि जुन वडामा जो बलियो छ त्यसैलाई सघाउने गरि सहमती भएको बैठाले जानकारी दिए ।
बैठाले भरे साँझ सम्म यो कुराको छिनोफानो हुने गरि छलफल अगाडि बढेको बताए । उनका अनुसार नेकपा माओवादी केन्द्रले कम्तीमा तीन वटा वडा पाउने कुरा ठोकुवा गरे । त्यो चार पनि हुन सक्छ उनले भने वडामा रहेको राजनीतिक शक्ति सन्तुलनको आधारमा निर्णय हुने भएकोले चार हुन पनि मिल्छ । यसरी मिल्दा जनता समाजवादी पार्टीका तर्फबाट निर्वाचनको मैदानमा रहेका तीन उम्मेदवार पछि हटनु पर्ने अवस्था बन्ने छ ।
तपाईको प्रतिक्रिया