नेपाल पत्रकार महासंघ पर्साको २५ औ साधारण सभा बिभिन्न प्रास्तावहरु पारित गर्दै सम्पन्न भएको छ। । साधारण सभाले महासंघ पर्साका सचिव भूषण यादवले प्रस्तुत गरेको सांगठानीक प्रतिवेदन र कोषाध्यक्ष संजीव मिश्रले प्रस्तुत गरेको आर्थिक प्रतिवेदन सर्वसम्मत रुपमा पारित गरेको छ ।

साधारण सभामा पर्साको पत्रकारिताको गुणात्मक बिकास, पत्रकारको भौतीक तथा पेशागत सुरक्षा, दक्षता अभिभृद्धि ,पत्रकारको बिमा जस्ता बिषयमा घनीभूत छलफल भएको थियो ।

नयाँ सदस्यता बितरण र पेशागत शुद्धताको बिषयमा पनि गम्भिर बिमर्श भएको महासंघका अध्यक्ष अनुप तिवारीले बताए । उनले साधारण सभामा उठेका बिषयहरुले नेपाल पत्रकार महासंघ पर्सा शाखाको आगामी कार्ययोजनामा बिशेष महत्व राख्ने बताए । महत्वपूर्ण सुझावहरु आएका छन त्यसकै आधारमा महासंघको आगामी दिशा तय गरिने उनले बताए ।

साधारण सभाको बन्द सत्र नेपाल पत्रकार महासंघका केन्द्रीय सचिव दीपेन्द्र चौहानको अध्यक्षतामा निर्माण भएको अध्यक्ष मण्डलले संचालन गरेको थियो । बन्दसत्रको संचालन नेपाल पत्रकार महासंघका मधेश प्रदेशका महासचिव श्याम बन्जाराले संचालन गरेका थिए ।

बन्द सत्रको सफलता पछि नेपाल पत्रकार महासंघका केन्द्रीय सदस्य के.सी.लामिछाने पूर्व केन्द्रीय सदस्य महेश दास शाखाका पूर्व अध्यक्ष अशोक तिवारी नेपाल पत्रकार महासंघ प्रदेशका सदस्य लक्ष्मी खरेल र महेश्वर अधिकारीले मन्तब् ब्यक्त गरेका थिए ।
यस अघि नेपाल पत्रकार महासंघ पर्सा शाखको सभाकक्षमा उद्धघाटन समारोह सम्पन्न भएको थियो ।

उद्घाटन सत्रलाई सम्बोधन गर्ने वक्ताहरुले पत्रकारितमा देखिएका विकृतिले सिंगो पत्रकारिता क्षेत्रकै लागि चुनौती देखिएकाले यसप्रति ध्यान दिनुपर्नेमा जोड दिए । उनीहरुले संख्यात्मक बढोत्तरी हुँदै गएपनि त्यस अनुसार गुणस्तरीयता भने बढ्न नसकेको अनुभुति पाठक, दर्शक र श्रोताले गरिरहेको पनि ओैंल्याए ।

प्रविधिको विकाससंगै पत्रकारिता गर्न सहज हुँदै गएपनि विकृति पनि बढेको भन्दै उनिहरुले गुणस्तरीय पत्रकारिता, पत्रकारको क्षमता अभिवृद्धि र पेशागत सुरक्षाका सवालमा महासंघले थप नेतृत्वदायी भूमिका बढाउन पनि सुझाव दिए ।

महासंघका शाखा अध्यक्ष अनुप तिवारीको अध्यक्षता तथा महासंघका केन्द्रीय सचिव दिपेन्द्र चौहानको प्रमुख आतिथ्यतामा सम्पन्न उद्घाटन सत्रमा महासंघका केन्द्रीय सदस्य के.सी.लामिछाने , महासंघका मधेस प्रदेश महासचिव श्याम बन्जारा, पर्साका सहायक प्रमुख जिल्ला अधिकारी भीमकान्त पौडेल , प्रहरी उपरीक्षक रमेश बस्नेत, महासंघका पूर्व केन्द्रीय सदस्य महेश दास, प्रेस युनियनका केन्द्रीय सचिव अशोक तिवारी, पर्सा शाखा उपाध्यक्ष विजय चौहान, प्रेस सेन्टरका केन्द्रीय सदस्य निरज पिठाकोटे मगर,पर्सा अध्यक्ष दिपक गौतम, समाजवादी प्रेस संगठनका केन्द्रीय सदस्य राघव साह, प्राध्यापक डाक्टर विश्वम्भर शर्मा, प्रेस चौतारी नेपाल पर्साका उपाध्यक्ष विजय भण्डारी , लक्ष्मी खरेल लगायतले साधरणसभाको सफलताको शुभकामना मन्तव्य गरेका थिए।