अबको राष्ट्रपति एमालेको उम्मेदवार नै बन्ने पक्काः एमाले उपमहासचिव गुरुङ्ग
वीरगंज । नेपाल कम्युनिष्ट पार्टी एमालेका उप महासचिव पृथ्वी सुब्बा गुरुङले अबको राष्ट्रपति एमालेको उम्मेदवार नै बन्ने बताए।
आइतवार वीरगंजमा आयोजित प्रेस चौतारी नेपालको संगठन सुदृढीकरण कार्यशाला गोष्ठि लाई सम्बोधन गर्दै उप महासचिव गुरुङले पुस १० मा सत्तागठबन्धन दलबीच भएको सहमति अनुसार राष्ट्रपति एमालेकै बन्ने बताएका हुन।
राष्ट्रपतिको निर्वाचनपछि सत्तागठबन्धन टुट्ने हल्ला हौवा मात्रै भएको उप महासचिव गुरुङले बताए।
उप महासचिव गुरुङले पुष १० मा एमाले र माओवादीबीच भएको सहमतिमा प्रधानमन्त्री र सभामुख आलोपालो हुने तथा राष्ट्रपति एमालेले पाउने सहमति भएको थियो र सोही अनुरूप राष्ट्रपति एमालेकै उम्मेदवार हुने जनाए ।
माओवादी केन्द्रको हालैको बैठकले पनि एमाले सहितको राष्ट्रिय सहमति खोज्ने निर्णय गरेकाले सत्तागठबन्धनबाट एमालेले अगाडि सार्ने उम्मेदवार नै राष्ट्रपति बन्ने उप महासचिव गुरुङले बताए ।
उप महासचिव गुरुङले दल बाहिरको व्यक्तिलाई राष्ट्रपति बनाउने कुरा एमालेलाई स्वीकार्य नहुने जनाए।
एमालेले अहिलेको सत्ता गठबन्धनलाई टिकाएर मुलुकमा राजनीतिक स्थायित्व, विकास र समृद्धिको बाटोमा अगाडि बढाउने उप महासचिव गुरुङले बताए।
गण्डकी प्रदेशका पूर्वमुख्यमन्त्री समेत रहेका गुरुङले राष्ट्रिय स्वतन्त्र पार्टीलाई पुन सरकारमा फर्काउने, जनता समाजवादी पार्टी र नागरिक उन्मुक्ति पार्टीलाई पनि सरकारमा सामेल गराउने तयारी भइरहेको बताए।
गुरुङले सुदूरपश्चिम प्रदेशमा फेरि एमालेकै सरकार बन्ने परिस्थिति बन्दै गएको जनाए। कार्यक्रममा नेकपा एमालेको जनसंगठन संयन्त्रका संयोजक पूर्व स्वास्थ्यमंत्री भानुभक्त ढकालले संकगठलाई कामकाजी बनाउन आवश्यक रहेको बताए । उनले प्रेस चौतारी नेपालचुस्त दुरुस्त रुपमा संचालन गर्नकालागि कतिपय संरचनागत सुधार आवश्यक रहेको बताए ।
नेकपा एमालेका प्रचार बिभागका उउ्रमुख बिष्णु रिजाल,जनसंगठन संयन्त्रका सह संयोजक रचना खडका , केन्द्रीय सदस्य अरविन्द सिंह नेकपा एमाले पर्साका अध्यक्ष जयप्रकाश थारु नेपाल पत्रकार महासंघका केन्द्रीय सदस्य के.सी लामिछाने लगायतले शुभकामना मन्तब्य ब्यक्त गरेका थिए ।
प्रेस चौतारी नेपालका केन्द्रीय अध्यक्ष गणेश बस्नेतको अध्यक्षतामा भएको कार्यक्रम प्रेस चौतारी नेपालका महासचिव हिरामना लामाले संचालन र पर्साका अध्यक्ष श्याम बन्जाराले स्वागत भाषण गरेका थिए ।
कार्यशालमा केन्द्रीय सचिवालयको तर्फबाट आधारपत्र प्रस्तुत गरिएको थियो । आधारपत्रमा ७ वटा समुह बनाई छलफल गरि प्रस्तुती गरिएको थियो । सोमवार प्रेस चौतारी नेपालको केन्द्रीय समितिको बैठक बस्ने कार्यसूची रहेको महासचिव हिरामान लामाले बताए ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मन्त्रीलाई ‘छोड्दिनँ’ भन्ने महिलालाई अनुसन्धानकालागि अदालतले दियो थप म्याद
वीरगन्ज । खानेपानी मन्त्री प्रदीप यादवसँग टेलिफोनमा चर्को स्वरमा बोलेको अडियो भाइरल भएपछि पक्राउ परेकी महिलालाई पर्सा जिल्ला अदालतले थप ३ दिनको म्याद दिएको छ।
चोरी मात्र हैन, लागुऔषध कारोवारमा संलग्न वीरगंज १६ का साहेबजान पक्राउ
वीरगन्ज । पर्सा प्रहरीले वीरगन्ज महानगरपालिका–१६ का शेख साहेबजान मियाँ (मखु) लाई चोरी र लागुऔषध कारोबारमा संलग्न रहेको अभियोगमा पक्राउ गरेको छ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया