बीरगंज महानगरपालिकाका प्रमुख बिजय कुमार सरावगीले आफनो स्वास्थ्य अवस्थामा राम्रो सुधार भएको जनाकारी गराउनु भएको छ । उहाँले आफनो सामाजिक संजाल मार्फत आफनो स्वास्थ्य अवस्थाको बारेमा जानकारी गराउनु भएको हो ।
प्रमुख सरावगीले बीरगंजमा देखिएका कोभिड सम्बन्धी पछिल्ला घटनाक्रमहरुले आफूलाई मर्माहत बनाएको बताउनु भएको छ । उहाँले आफनो ब्यक्तिगत स्वास्थ्यको चिन्ता भन्दा पनि सिंगो महानगर र नागरिकको स्वास्थ्यको चिन्ता लागेको बताउनु भएको छ ।
उहाँले कोभिडबाट संक्रमित भई नारायणी अस्थायी कोभिड अस्पताल, आइसोलेशन र होम आईसोलेशनमा उपचारमा रहनु भएका सम्पूर्ण महानुभावहरुको सिघ्र स्वास्थ्यलाभको कामना गर्दछु भन्नु भएको छ।
उहाँले उपचारको क्रममा मृत्युवरण गर्नुहुने प्रती भावपुर्ण श्रद्धाञ्जली अर्पण गर्दै शोकमा रहनुभएका परिवारजन प्रती हार्दिक समवेदना प्रकट गर्नु भएको छ ।
उहाँले आफ्नो स्वास्थ्य लाभको कामना गरी विभिन्न माध्यमबाट शुभेच्छा प्रकट गर्नुहुने सम्पुर्णमा अभार ब्यक्त गर्नु भएको छ । तपाईको माया, सद्भाव र शुभेच्छाका कारण मैले चाडै कारोना भाइरसलाई पराजित गरि पुन तपाईंको सेवामा हाजिर हुने दृढता ब्यक्त गर्दछु ।
उहाँले आम नगरवासीलाई कोभिड नियन्त्रणका लागि स्थानीय प्रशासनले जारी गरेको आदेशको पुर्ण परिपालना गरिदिनहुन अपिल समेत गर्नु भएको छ ।
तपाईको प्रतिक्रिया