अखिल नेपाल किसान महासंघ पर्साले कृषि ज्ञान केन्द्र पर्सा किसानका समस्याहरु हल गर्न उदासिन रहेको आरोप लगाएको छ । 

 मल,वीउ विजन, औजार,सिचाई ,विमा, कृषि ज्ञान परामर्श ,उत्पादनको मुल्य र बजारको उचित ब्यवस्थापन कृषि ज्ञान केन्द्रको कामको क्षेत्र भएपनि त्यसका जिम्मेवार ब्यक्तिहरु कमिशन केन्द्रीत भएकोले पर्साका किसानले समस्या भोग्नु परेको अम्भिर आरोप महासंघले लगाएको छ । 
            
महासंघले पर्साका प्रमुख जिल्ला अधिकारी आशमान तमाङलाई ज्ञापन पत्र बुझाउदै किसानको समस्याहरु हल गर्न अपिल समेत गरेको  छ ।

गत आ.ब २०७६।७७ मा नेपालकै इतिहासमाा पहिलो जिल्ला हो १७ करोड रकम फ्रिज भएको तर कर्मचारीले पाउनु पर्ने तलब बाहेकको अतिरिक्त सुबिधा भने ८० प्रतिशत भूक्तानी भएको छ । काम नभएर रकम फ्रिज हुने संस्थामा काम गरेर खाने सुविधा भने सकिएको देखिन्छ । महासंघ पर्साका अध्यक्ष शम्भू पाण्डेले यही बेथितिको बिषयमा प्रमुख जिल्ला अधिकारीको ध्यानाकर्षण गराएको बताउनु भयो ।

  कृषि ज्ञान केन्द्र पर्साका प्रमुख डा.रामचन्द्र यादव विगत डेढ महिना देखि कार्यालयमा उपस्थिति नहुंदा कार्यालयको कतिपय कार्यहरु पनि प्रभावित भएको छ । किसानहरुले लगाएको बालीमा विभिन्न किसिमका रोगहरु देखापर्न थालेपछि किसानहरु परामर्श तथा किटनाशक औषधीको लागि कार्यालयमा पुग्दा कार्यालय प्रमुख डा. यादव कार्यालयमा नभेटदा किसानहरु निरास भएर फर्किन बाध्य भएका छन् ।

कृषि ज्ञान केन्द्रमा एक मात्र विशेषज्ञ डा यादवनै भएकोले उहाँ कार्यालयमा नआउदा सेवाग्राही किसानहरु झनै पिडित बनेका छउहाँ  सँग जति सम्पर्क गर्न खोज्दा पनि सम्पर्कमा आउन नसकेको  किसानको गुनासो रहेको ज्ञापन पत्रमा उल्लेख छ । यादवलाई प्रदेश २ सकारकारका केही मंत्रीले संरक्षण गरेको महासंघले आरोप लगाएको छ । 

महासंघ पर्साका अध्यक्ष शम्भु पाण्डेयको नेतृत्वमा जिल्ला प्रशासन कार्यालय पर्सामा गएका किसानले ज्ञान केन्द्रबाट पाउनुपर्ने परामर्श लगायतको सेवा सहज रुपमा पाउने व्यवस्था मिलाउन प्रशासनको ध्यानाकर्षण गराएका छन् ।

 पर्साको अधिकाश  भुभागमा धान रोपाई कार्य सम्पन्न भएको छ । यो वर्ष मनसुन सकृय भएकोले समयमा नै खेती त लगाए तर धान  खेतीमा चाहिने मल अभाव  र कृषि ज्ञान केन्द्र पर्सा को परामर्श को कमीले  किसान सडकमा आउन थालेको छन ।

नेपाल सरकारले किसानकालागि मल आपुर्ती नगर्ने भारतबाट समेत किसानहरुले मल  ल्याउदा प्रहरी प्रशासनले आपनो नियन्त्रणमा लिने गर्दा किसान अझ आक्रोसित बनाका छन ।

 अभ यस्तो घटना नहोस भने प्रहरी प्रमुख लाई अपिल गर्दछु ।  प्रदेश न.२ ले कृषि ज्ञान केन्द्र पर्साको पहिलो चौमासिक मा किसानहरुलाई दिने  जैविक मल तथा तालिम तथा अन्य कार्यक्रम सचालन गर्ने परिपत्र गरे पनि कृषि ज्ञान केन्द्रको कार्यालय प्रमुख  कार्यालयमा नबस्दा किसानले त्यसको प्रतिफल पाउन सकेका छैनन ।

महासंघले यस बिषयमा सम्बन्धीत निकायको ध्यानाकर्षण होस भन्ने चाहेको अध्यक्ष पाण्डेले बताउनु भयो ।