logo

पर्सामा एक वर्षमा ७५ वटा मानव अधिकार उल्लंघनका घटनाहरू सार्वजनीक

 इसीमाना सम्वाददाता     २०७८ पौष ६ गते ११: ३८ मा प्रकाशित     498   पटक पढिएको

पर्सामा एकबर्षमा ७५ वटा मानव अधिकार उल्लंघनका घटनाहरू भएका छन् । अनौपचारिक क्षेत्र सेवा केन्द्र (इन्सेक) ले आयोजना गरेको समिक्षा गोष्ठिमा सार्वजनिक गरिएको तथ्यांकले मानव अधिकार उल्लंघनका घटनाहरूको संख्या अघिल्लो बर्षको भन्दा पनि कम नभएको पाईएको हो ।

इन्सेकले प्रकाशन गर्ने मानव अधिकार बर्ष पुस्तक २०२२ का लागि पर्सामा संकलन गरिएको मानव अधिकार उल्लंघनका घटनाको पुष्टि र पुनर्पुष्टिका लागि आयोजना गरिएको समीक्षा गोष्ठिमा इन्सेक पर्साका प्रतिनिधि केसी लामिछानेले सार्वजनिक गरेको तथ्यांकअनुसार यो बर्षको समीक्षा अवधिमा पर्सामा विभिन्न ७५ वटा मानवअधिकार उल्लंघनका घटनाहरू भएको जानकारी दिनुभयो । त्यसमध्य १८ बर्षभन्दा कम उमेरका बलात्कारका ३७ वटा घटना भएको छ ।

१८ बर्षभन्दा माथिका बलात्कारका ९ वटा, १८ बर्षमाथिका बलात्कारका प्रयास ५ वटा, बालविवाहका घटना ४ वटा भएको इन्सेक प्रतिनिधि लामिछानेले जानकारी दिनुभयो । त्यसैगरी बहुविवाह ४ वटा, हत्याका ५ वटा, मानव बेचविखनका ३ वटा, बोक्सीको आरोप २ वटा, कुटपिटको २ वटा घटना भएको छ । त्यस्तै अप्राकृतिक मैथुन, गर्भपतन, बालयौन दूराचार, र बलात्कारका प्रयासका चारवटा घटना भएका छन् ।

कार्यक्रममा बोल्ने बक्ताहरुले मानवअधिकार उल्लंघनका घटना साझा समस्या भएकोले यसको न्यूनीकरणका लागि पनि साझा प्रयास आवश्यक रहेको बताएका छन् । पर्साका प्रहरी उपरीक्षक रमेश कुमार बस्नेतले कानूनको अनभिज्ञता क्ष्म्य नहुने भन्दै सबै मानवले कानूनको जानकारी राख्नु आवश्यक रहेको बताउनुभयो । उहाँले कानून कार्यान्वयन गर्ने निकायले कार्यान्वयन गर्नै पर्ने भएकोले कानून कार्यान्वयन गर्ने क्रममा राज्यपक्षबाट हुने मानव अधिकार उल्लंघनका घटना नहोस भन्ने विषयमा प्रहरी निकै संवेदनशील भएको बताउनुभयो ।

इन्सेक पर्साका प्रतिनिधि केसी लामिछानेले यसबर्ष खासगरी १८ बर्ष भन्दा कम उमेर समूहमा मानव अधिकार उल्लंघनका घटना भएको पाईएकोले यसले बालबालिकामा अभिभावकत्व भूमिका कम भएको पाईएको बताउनुभयो । यो समाजको लागि अत्यन्त गम्भीर र चिन्ताको विषय रहेको भन्दै उहाँले दाईजोसँग जोडिएर हुने मानव अधिकार उल्लंघटनाका घटनाले समाजमा फैलाईने सचेतनाका कार्यक्रमहरुको प्रभाव कम भएको देखिएको बताउनुभयो ।

जुनसुकै घटना पनि राजनीतिसँग जोडिने भएको हुँदा राजनीतिक तहमा नै यसको न्यूनीकरणको खोजी आवश्यक रहेको वक्ताको भनाई थियो । मानव अधिकार निगरानी समूह पर्साका अध्यक्ष तबरेज अहमदको अध्यक्षतामा भएको कार्यक्रममा प्रहरी उपरीक्षक रमेश कुमार बस्नेत, नारायणी एफएमका कार्यकारी अध्यक्ष गोविन्द देवकोटा,नेपाल पत्रकार महासंघका प्रदेश २ महासचिव श्याम बञ्जरा, पर्सा अध्यक्ष अनुप तिवारी, प्रेस सेण्टर नेपालका केन्द्रीय सदस्य नीरज पिठाकोटे मगर, मानव अधिकार संगठन पर्साका सचिव शिवनाथ यादव लगायतले मानव अधिकारको विषयमा आ–आफ्ना धारणा राखेका थिए ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

भारतमा मिडीयामाथि “बेशर्म हमला”लोकतन्त्रकोलागि राष्ट्रपति द्रौपदी मुर्मुसँग हस्तक्षेप गर्न आग्रह

बीरगंज । गत सोमबार भारतको नयाँ दिल्लीमा विभिन्न सञ्चारमाध्यमले संविधानबमोजिम अभिव्यक्ति स्वतन्त्रता, पेशा र जीविकोपार्जनको सुरक्षा सुनिश्चित गर्न राष्ट्रपति द्रौपदी मुर्मुसँग हस्तक्षेप गर्न आग्रह गरेका थिए ।

खेलकुद

जीतपुरसिमरा क्रिकेट कपको उपाधि मकवानपुरलाई, पर्सा ७ विकेटले पराजित

सिमरा । प्रथम जीतपुरसिमरा क्रिकेट कपको उपाधि मकवानपुर क्रिकेट संघले जितेको छ । जीतपुरसिमरा ४ स्थित सेज क्रिकेट मैदानमा शनिबार सम्पन्न फाइनल खेलमा पर्सा क्रिकेट संघलाई ७ विकेटले पराजित गर्दै मकवानपुरले उपाधि उचालेको हो ।

जीतपुरसिमरा क्रिकेट प्रतियोगीता, जनकपुरद्धारा भैरहवा ४८ रनले पराजित

सिमरा । जीतपुरसिमरा क्रिकेट कप प्रतियोगिता अन्तर्गत बिहीबार भएको खेलमा जनकपुर पिस फाउण्डेशन ४८ रनले बिजयी भएको छ । समूह ‘बी’ अन्तर्गतको दोस्रो खेलमा जनकपुरले खुकुरी क्रिकेट क्लब भैरहवालाई पराजित गरेको हो ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.