प्रेस चौतारी नेपाल सर्लाहीको अध्यक्षमा पूनः अच्यूतम सापकोटा सर्वसम्मत रुपमा चुनिएका छन । सर्लाहीको हरिवनमा बुधवार सम्पन्न प्रेस चौतारी नेपालको सातौ जिल्ला सम्मेलनले सापकोटालाई अध्यक्षमा सर्वसम्मत चयन गरेको हो ।
बुधबार बिहान हरिवनमा सम्पन्न प्रेस चौतारी नेपाल सर्लाहीको सातौं जिल्ला अधिवेशनबाट सापकोटाको नेतृत्वमा ११ सदस्यीय नयाँ कार्य समिति चयन गरेको छ । समितिमा मधु कटुवाल र रीना आले उपाध्यक्ष, राजु लो सचिव, आरती सेन्चुरी कोषाध्यक्ष, सन्देश अधिकारी र राजु मण्डल सहसचिव लगायत अन्य सदस्यहरु रहेका छन् ।
अधिवेशनमा नेकपा एमाले प्रदेश २ का उपाध्यक्ष रेवती पन्त, एमाले सर्लाहीका सहसचिव विदुर कुमार प्याकुरेल, प्रेस चौतारी नेपालका केन्द्रीय सदस्य फणि महत, नेपाल पत्रकार महासंघ सर्लाहीका अध्यक्ष टंक कार्की पूर्व अध्यक्ष रोशन न्यौपाने लगायतको सहभागिता रहेको थियो ।
तपाईको प्रतिक्रिया