तालीमबाट प्राप्त सीपलाई उपयोग गरि आत्मर्भिर बन्न महानगर उपप्रमुख आलमको आग्रह

इसीमाना सम्वाददाता २०८० बैशाख १३ गते ०८: ५४ मा प्रकाशित 322 पटक पढिएको

वीरगंज । वीरगंज महानगरपालिका वार्ड नं १ मा ७ दिने व्यवसायिक साबुन बनाउने तालिम सम्पन्न भएको छ।

गरिबी निवारण का लागि लघु उधम कार्यक्रम अन्तर्गत नेपाल सरकार उधोग बाणिज्य तथा आपूर्ति मन्त्रालयको आर्थिक तथा प्राविधिक सहयोगमा र वीरगंज महानगरपालिकाको आयोजनामा भएको ७ दिने व्यवसायिक सावुन बनाउने तालिममा २६ जनाको सहभागिता रहेको थियो।

७ दिने व्यवसायिक सावुन बनाउने तालिम लाइ समापन गर्दै वीरगंज महानगरपालिकाका उप प्रमुख इम्तियाज आलमले सिकेको सिपलाइ व्यवसायिक रुपमा उपयोग गर्न आग्रह गरे ।

उनले तालिमबाट प्राप्त सीपको आधारमा आत्मनिर्भर बन्न सजिलो हुने बताए । उनले आत्मनिर्भरताले गरिवी निवारणमा योगदान पुर्याउने बताए ।

उप प्रमुख आलमले तालिममा सहभागी २६ जनालाइ प्रमाण पत्र प्रदान गरेका थिए । ७ दिने व्यवसायिक सावुन बनाउने तालिम समापन कार्यक्रम वीरगंज महानगरपालिका वडा नं १ का दलित वडा सदस्य राधिका देवीको अध्यक्षतामा सम्पन्न भएको हो ।

कार्यक्रममा महानगरपालिकाको आर्थिक बिकास महाशाखाका प्रमुख प्रतिज्ञा बैध,वडा सदस्य रम्भावती देवी, महानगरको आर्थिक बिकास महाशाखाका कर्मचारी बिपना बख्रेल,आशिश कुमार यादव,उद्यम विकास सहजकर्ता सुशिला भण्डारी लगायतको सहभागिता रहेको थियो ।