परवानीपुर गाउँपालिकामा प्रहरीको आधारभूत तालिम सम्पन्न ,सुरक्षीत सेवा प्रवाह हुने अध्यक्षको भनाई

इसीमाना सम्वाददाता २०८१ भदौ ९ गते ०७: १४ मा प्रकाशित 226 पटक पढिएको

बीरगंज । परवानीपुर गाउँपालिकाले पालिका प्रहरीको लागि आयोजना गरेको १ महिने आधारभूत तालिम आईतबार सकिएको छ ।

पालिकाले स्थानीय सरकार संचालन ऐनले गरेको प्रबन्ध अनुसार पालिका प्रहरी संगठन निर्माण गरेको हो ।

सम्बिधानले पनि स्थानीय तहलाई प्रहरी परिचालनको अधिकार दिएको छ । त्यही अधिकारलाई प्रयोग गर्दै गाउँसभाबाट नगर प्रहरीको संरचना र दरबन्दी स्वीकृत गरि पालिका प्रहरीको संगठन निर्माण गरिएको पालिका अध्यक्ष राम क्षेत्री पटेलले जानकारी दिए ।

प्रहरीको तालिम साउन ६ गते देखी भदौ ९ गते सम्म शसस्त्र प्ररीको रिर्जभ गण नं ४० हेडक्वार्टर पिलुवामा भएको थियो । प्रहरी निरिक्षक सभाष भट्टराईले प्रमुख प्रशिक्षकका रुपमा तालिम दिएका थिए ।

आधारभूत तालिमको आइतवार समापन भएको थियो र समापनमा पालिका अध्यक्ष राम क्षेत्री पटेल उपाध्यक्ष सुगान्धी देवी,शसस्त्र प्रहरी उपरीक्षक मोहन बहादुर क्षेत्री , समाज सेबी मोबिन आलम ,अखिल नेपाल किसान महासंघका केन्द्रीय सचिव एवं मधेश प्रदेश इन्चार्जउमेश गुप्ता , ,जिन्सी शाखा प्रमुख अजय कुश्वाहा ,योजना शाखा प्रमुख रुपेश मन्डल लगायतको सहभगिता रहेको थियो ।

एक प्रहरी सहायक नीरिक्षक सहित १४ जनाले तालिम लिएका छन । उनीहरुले पालिकाबाट दिइने सेवालाई सुरक्षीत चुस्त र दुरुस्त बनाउने कार्य गर्ने अध्यक्ष पटेलले बताए ।