इनर्वा प्रहरीले ५ किलो ३ सय ३४ ग्राम चाँदीसहित १ चितवनको खैरहनी नगरपालिका वडा नम्बर २ मा श्रेया ज्वैलर्स सञ्चालन गरीरहेका ४३ वर्षीय अंगत साहलाई पक्राउ गरेको छ ।
सिमावर्ती शहर रक्सौलबाट वीरगञ्जतर्फ आउँदै गरेको अवस्थामा प्रहरी चौकी ईनर्वाले साहलाई पक्राउ गरेको हो । साह सप्तरीको राजविराज उपमहानगरपालिका वडा नम्बर २ मेघराका स्थायी बासिन्दा हुन ।
हाल चितवनको खैरहनी नगरपालिका वडा नम्बर २ मा श्रेया ज्वैलर्स सञ्चालन गर्दै आयरहेका छन । ।
रक्सौलबाट पैदल हिँडीरहको अवस्थामा शंका लागेपछि वीरगञ्ज र रक्सौलको सिमाना शंकराचार्य गेटनिर चेकजाँच गर्ने क्रममा कालो झोलाभित्र उक्त परिमाणको चाँदी बरामद भएको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले बताउनु भयो ।
पक्राउ परेका साहलाई बरामद चाँदीसहित राजस्व अनुसन्धान कार्यालय पथलैया बारा पठाइएको प्रहरी प्रवक्ता खनालले बताउनु भयो ।
तपाईको प्रतिक्रिया