बीरगंज । बिल बिजक भन्दा बढीको हार्डवेयरसामा, मोबिल तथा बिभिन्न किसिमका खुद्रा सामानहरु लोड रहेको कन्टेनर र ट्रक नियन्त्रण प्रहरीले निण्न्त्रणमा लिएर आवश्यक कारवाहीकोलागि राजस्व अनुसन्धान कार्यालय पथलैयामा बुझाएको छ ।
वीरगंजबाट नारायणघाट जादै गरेको ना .३ ख ७७४१को मालवाहक ट्रकलाई वीरगञ्ज महानगरपालिका वडा नं.१६ बोखार चोक स्थित सडकखण्डबाट बिर्ता प्रहरीको टोलीले नियन्त्रणमा लिएको हो । ट्रक र त्यसमा रहेको सामान ६३ लाख रुपैया मूल्याकंन गरिएको छ ।
त्यस्तै ना. ३ ख ६९९ नम्बरको मालवाहक कन्टेनर प्रहरीले वीरगञ्ज महानगरपालिका वडा नं। ४ रेल्वेरोड स्थित सडकखण्डबाट नियन्त्रणमा लिएको छ ।
बिशेष सूचनाका अधारमा प्रहरीले ट्रक र कन्टेनर चेकजाँज गरेको जिल्ला प्रहरी कार्यालय पर्साका प्रहरी प्रवक्ता प्रहरी नायव उपरिक्षक दीपक गिरीले जानकारी दिए । कन्टेनरमा बिल विजक भन्दा बढी विभिन्न किसिमका हार्डवेयर लगायतका खुद्रा सामानहरु रहेका छन ।
लाहान तर्फ जादै गरेको कन्टेनर र त्यसमा रहेका समानको मूल्याकंन ५८ लाख गरिएको छ ।ट्रक कन्टेनर प्रहरीले बैशाख १ गते नियन्त्रणमा लिएको थियो ।
तपाईको प्रतिक्रिया