बिमा गर्दाका प्रतिवद्धता सहज रुपमा लागु गर्न इनसुरेन्स कम्पनीलाई महानगर प्रमुख सिंहको आग्रह

इसीमाना सम्वाददाता २०८० कार्तिक १ गते ०९: २३ मा प्रकाशित 554 पटक पढिएको

बीरगंज । बीरगंज महानगरपालिकाका प्रमुख राजेशमान सिंहले निर्जिवन बिमा कम्पनीहरुले सहकारीसंग सहकार्य गरेर बिमाको सेवा उपलब्ध गराउनु पर्ने सुझाव दिएका छन ।

निर्जिवन बिमा कम्पनीमा कार्यरत कर्मचारीहरुको हितका निम्ति बनेको संगठन निप्सको बुधवार बीरगंजको होटेल मकालुमा आयोजीत पद हस्तान्तरण समारोहलाई समबोधन गर्दै प्रमुख सिंहले बिमा गर्दा घर घरै जाने तर बिमा रकम दिनु पर्दा बिभिन्न बाहना गर्ने कम्पनीहरुको प्रवृतिमा पनि सुधार ल्याउनु पर्नेमा जोड दिए ।

उनले बिमा गर्दा गरिएको प्रतिवद्धता बिमा दावी गर्दा सहज रुपमा उपलब्ध गराउनु पर्ने बताए ।

कार्यक्रममा नेपाल पत्रकार महासंघका केन्द्रीय सदस्य के.सी.लामिछानेले पेशागत सुरक्षा र शुद्धतामा संगठनले राम्रो र प्रभावकारी भूमिका निर्वाह गर्नु पर्नेमा जोड दिए । उनले संगठनको माध्यमले बिमा संसकृतिको बिकासमा योगदान पुर्याउन समेत सुझाव दिए ।

बद्री बहादुर अधिकारीको अध्यक्षतामा भएको कार्यक्रममा निप्सका नयाँ अध्यक्ष धिरज शर्मालाई अध्यक्षको पद अधिकारीले हस्तान्तरण गरेका थिए ।

निप्सको अन्य पदाधिकारी र सदस्यको पछि मनोनयन गरिने निको यन्सुरेन्स बीरगंजका प्रवन्धक बिक्रम आलेले जानकारी दिए । कार्यक्रममा बिमा प्राधिकारण बीरगंजका प्रतिनिधि ,सर्भेयर एशोसिएशनका प्रतिनिधि प्रेस सेन्टर नेपालका केन्द्रीय सदस्य निरज पिठाकोटे लगायतको सहभागिता रहेको थियो ।

कार्यक्रमको संचालन निशान्त लामिछानेले गरेका थिए ।