नेपाल आयाल निगम गण्डकी प्रादेशिक डिपोको तेल अपचलन घटनाका मुख्य आरोपी दास धरौटीमा रिहा

इसीमाना सम्वाददाता २०८० कार्तिक १४ गते ०७: ४२ मा प्रकाशित 350 पटक पढिएको

पोखरा, १४ कात्तिक/ नेपाल आयाल निगम गण्डकी प्रादेशिक डिपोको तेल अपचलन घटनाका मुख्य आरोपी चित्तरञ्जन दास धरौटीमा रिहा भएका छन् । जिल्ला अदालत कास्कीले आइतबार उनलाई ५ लाख धरौटीमा रिहा गर्न आदेश दिएको हो ।

उनीविरुद्ध साउन ३० गते पक्राउ पुर्जी जारी भएकोमा फरार उनी आइतबार थुनछेक बहसमा भाग लिन अदाल आएका थिए । बहसपछि न्यायाधीश ऋषिराम आचार्यको इजलासले उनलाई ५ लाख धरौटीमा रिहाको आदेश दिएको हो ।

नेपाल आयाल निगम गण्डकी प्रादेशिक कार्यालय गगनगौडा, पोखराका तत्कालीन डिपो प्रमुख दासलगायतले डिपोको तेल अपचलन गरेको अभियोग लागेको छ।

सोही मुद्दामा पेट्रोल पम्प व्यवसायी बाबुराम जमरकट्टेल, गण्डकी–धौलागिरि पेट्रोलियम डिलर्स एसोसिएसनका कार्यालय सचिव जगन्नाथ ढुंगाना र ट्यांकर चालक निर्मल थापा धरौटीमा रिहा भइसकेका छन् । ट्यांकर व्यवसायी जमरकट्टेल १ लाख ५० हजार, ढुंगाना १ लाख र चालक थापा ७५ हजार धरौटीमा छुटेका थिए ।

साउन २५ गते डिजेलको रकम तिरेर पश्चिमाञ्चल पेट्रोल पम्प जाँदै गरेको ग२ख ८३६ नम्बरको ट्यांकर जिल्ला प्रशासन कार्यालयको अनुगमन टोलीले नियन्त्रणमा लिई जाँचबुझ गर्दा १ हजार ५ हजार २ सय लिटर डिजेल पाइएको थियो ।

तोकिएभन्दा ३ हजार २ सय लिटर बढी डिजेल अपचलन गरकोेमा अरोपमा दाससहितलाई मुद्धा चलेको थियो