राजनीतिक निकास र विकासका लागि दबाव कार्यक्रम
बीरगंज १४ फाल्गुन
राजनीतिक निकास र विकासका लागि वीरगञ्जको घण्टाघरमा शनिवार सचेत युवाहरुले एक घण्टा दवावमुलक कार्यक्रम समपन्न गरेका छन् ।
जवाफदेहिताका लागि हाम्रो अभियानले आयोजना गरेको कार्यक्रममा वक्ताहरुले निकासका लागि संवाद गर्न र विकासका लागि दलहरु एक भई निकास दिनुपर्नेमा जोड दिएका थिए । उनीहरुले संवाद मार्फत सहमतिको बाटो खोजेर दलहरु सहकार्य गर्दै अगाडी बढ्नुपर्ने बताएका थिए ।
कार्यक्रममा बोल्दै ईन्सेक पर्सा प्रतिनिधि एवंम् नेपाल पत्रकार महासंघ पर्सा शाखाका पूर्व अध्यक्ष केसी लामिछानेले नागरिकको सेवा सुविधाका लागि राजनीतिक नेतृत्व जिम्मेवार हुनुपर्ने बताएका थिए । देश विकासका काममा राजनीतिक विमति हुन नहुने उनको भनाई थियो । जिल्ला जिल्ला वा गाउँ गाउँको विकासले कुन राजनितिक दललाई घाटा हुन्छ उनले प्रश्न गर्दै राजीनतिक दलका नेताहरुले स्वार्थ नराखेर विकासको काम अगाडी बढाउनु पर्ने बताएका थिए । देश विकासका लागी छुट्याईएको रकम २० प्रतिशत पनि खर्च नभई ढुकुटी मै जम्मा भईदिदाँ बैकहरुमा तरलता उत्पन्न भएको छ । बैकहरुको तरलताले जनताहरु १५ प्रतिशत सम्मको चर्को ब्याज तिर्नुपर्ने अवस्था सिर्जना भएको उनले बताए । संविधान कार्यन्वयनका लागि असहमतिका पाटाहरु सहमतिमा ल्याएर देश विकासमा जोड दिनुपर्ने पुर्व अध्यक्ष लामिछानेले बताए ।
युवा नेता ओम प्रकास सर्राफले विकासका लागि दल र व्यक्तिगत स्वार्थभन्दा माथि उठ्नुपर्ने बताएका थिए । सामाजिक अभियन्ता प्रकाश प्रसाद थारुले अबको चुनावमा विकासप्रेमी नेतृत्व चुन्न सक्नुपर्ने बताए । विद्यार्थी नेता दिलिपराज कार्कीले हरेक पुस्ताले दबाव दिएर निकास र विकासका लागि नेतृत्वलाई झकझक्याउनु आजको आवश्यकता रहेको बताएका थिए ।
अभियानका संयोजक शिवनाथ यादवले संविधान सभाको निर्वाचन, संविधान सभाबाट संविधान निर्माणका लागि युवा अभियानले खबरदारी गर्दै आएको स्मरण गराउँदै अब राजनीतिक निकासका लागि युवा खबरदारी आवश्यक देखिएकोले दवाव अभियान शुरु गरिएको बताए । कार्यक्रममा नेपाल रेडक्रस सोसाईटी पर्सा शाखाका सभापति फुलमहम्मद मियाँ, अधिवक्ता कमलमोहन पोखरेल, जवाफदेहिताका लागि हाम्रो अभियानका कबिता खड्का, माधुरी महतो, ईश्वरी श्रेष्ठ, साविर अहमद ऐराज लगायतको सहभागिता रहेको थियो । कार्यक्रमको सहजीकरण अभियानका सुरेश बिडारीले गरेका थिए ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मधेशका मुख्यमन्त्री सिंहद्वारा अयोध्या राममन्दिर ट्रष्टका महासचिव चम्पत रायलाई निमन्त्रणापत्र हस्तान्तरण
बीरगंज । मधेस प्रदेशका मुख्यमन्त्री सतिशकुमार सिंहले उतरप्रदेशको अयोध्याधाममा आयोजित तिलकोत्सव समारोहमा भारतीय पक्षलाई निम्तोपत्र हस्तान्तरण गरेका छन ।
खेलकुद
महिला क्रिकेट खेलाडीलाई जनही दुई लाख पचास हजार पुरस्कारको घोषणा
काठमाडौँ । नेपाल क्रिकेट सङ्घ (क्यान) ले पाली महिला क्रिकेट टोलीका खेलाडीलाई पुरस्कार दिने घोषणा गरेको छ ।
क्रिकेट संघको तेश्रो साधारण सभा सम्पन्न ,क्रिकेटको बिकासकालागि प्रदेश सरकार कटिबद्ध छः मंत्री जयसवाल
बीरगंज । मधेश प्रदेश क्रिकेट संघको तेश्रो बार्षिक साधारण सभा आइतबार बीरगंजको सम्पन्न भएको छ ।
तपाईको प्रतिक्रिया