बीगंज ७ चैत । नेपालको आर्थिक राजधानीको रुपमा रहेको बीरगंज उपमहानगरपालिकालाई नेतृत्व गर्ने कस्तो मेयर आउलान भन्ने चचौ यतिवेला ब्यापक हुदै गएको छ । बिहान चिया पसलमा चियाको चुस्कीसंगै मेयरका बिषयमा आकाश पताल छुने बिश्लेषण सुन्न पाइन्छ । जति जति निर्वाचनको मिति नजिक आउदै छ राजनीतिक दलहरुको गतिविधिले पनि त्यतीकै सक्रियता पाउदै छ ।

मधेश आन्दोलनको इपिसेन्टरमा रहेको बीरगंजमा स्थानीय तहको निर्वाचनमा मधेशवादी दलहरुको अवस्था के होला भन्ने प्रश्न पनि स्वभाविक रुपमा उठेको छ ।  मधेशवादी दलहरु बाहिर निर्वाचन हुन नदिने भने पनि आन्तरिक तयारीमा भने संलग्न छन । मधेशवादी दल निर्वाचनमा सहभागी हुदा  बीरगंज उपमहानगरपालिकाको मेयरमा तराई मधेश लोकतान्त्रिक पार्टीेका प्रवक्ता  पूर्व मेयर बिमल श्रीवास्तवको नाम चर्चाको चुलीमा छ । संघीय समाजवादी फोरम नेपालमा भर्खरै मात्र प्रवेश गरेका उधोगी बिजय कुमार सरावगी बीरगंजको मेयरमा उम्मेदवार हुनकैलागि पार्टीमा प्रवेश गरेको चर्चा पनि ब्यपाक छ । मधेशवादी अन्य दलहरुबाट बीरगंजको राजनीतिलाई प्रभाव पार्न सक्ने राजनीतिक हैसियत भएका नेताहरुको अहिले त्यस्ते चर्चा छैन ।

सत्तारुढ नेपाली कांग्रेसको तर्फबाट पार्टीका जिल्ला सभापति अजय कुमार द्विवेदीको नाममा चर्चा ल्याइएको छ । तर द्विवेदी मेयरमा उठने मनस्थितिमा छैनन । द्विवेदीले नेपाली कांग्रेसको तर्फबाट १ नंम्बर क्षेत्रका क्षेत्रीय सभापति बिजय कुमार सर्राफलाई  मेयरको रुपमा अगाडी सार्ने तयारी गरिरहेका छन । यसो त नेपाली कांग्रेसमा मेयरका आकांक्षीहरुको लर्को भने लामो छ । श्याम पोख्रेल ईश्वरभक्त श्रेष्ठ,मुकेशमान सिंह , रामरुप कुर्मी दिना गुप्ता मेयरका आकाक्षी हुन । त्यसैगरि नेकपमा माओवादी केन्द्रका तर्फबाट मेयरमा कसैको नाम चर्चा आएको छैन । तर अनेरास्ववियु क्रान्तिकारकारीका नेता अमिताभ बच्चन दासलाई पार्टीले अगाडि सार्ने सम्भावना छ ।

पार्टी भित्र रामदरश कुशवाहाले यच्चछा देखाएका छन  तर उनी उपमहानगरभित्र त्यती परिचित भने छैनन । माओवादी केन्द्रले बाबुराम कौशीकलाई पनि अगाडि सार्न सक्ने अवस्था देखिन्छ । प्रमुख प्रतिपक्षी नेकपा एमालेमा पनि मेयरका आकांक्षीहरुको संख्या कमै छ । पार्टी भित्र लोकतान्त्रिक मधेशी संगठनका पर्सा अध्यक्ष सुन्दर कुर्मीले मेयरमा आफनो दावेदारी ब्यक्त गरेका छन । तर एमालेले गत सम्बिधान सभाको निर्वाचनमा क्षेत्र नं २ बाट माओवादी केन्द्रका तर्फबाट उम्मेदवार भएका नेशनल मेडिकल कलेजका प्रवन्ध निर्देशक बसरुदिन अन्सारीलाई उम्मेदवार बनाउने प्रयास गर्दै छ तर यो प्रयासले अहिले सार्थकता भने पाएको छैन । नेकपा एमालेको तर्फबाट बाबुजान अली पर्साका पार्टी अध्यक्ष चीरन्जीवी आचार्य एमालेका युवा नेता मनोज चौधरी सम्भावित मेयरको उम्मेदवारको चार्चामा छन । नयाँ शक्ति पार्टीका तर्फबाट मुकेश द्विवेदीको नाम चर्चामा छ ।