स्थानीय तहको निर्वाचन पछि बिकासले गती लिन्छ ः सभासद यादव

4/1/2017 गते 00 00 मा प्रकाशित 1062 पटक पढिएको

बीरगंज १९ चैत ।
नेकपा एमाले पर्सा क्षेत्र नं. २ का सांसद बिचारी यादबले स्थानीय तहको निर्वाचन पश्चात नेपालमा विकासले गती लिने बताएका छन । पर्साको बेल्वा गाउपालिकाको रामबनमा रहेको प्रावि स्कुलमा भवन निर्माण गर्न १० लाख विनियोजित रकमको जानकारी गराउदै सांसद यादबले सो कुरा बताएका हुन । उनले मधेशी मोर्चाका कार्यकर्ताहरु भित्र भित्रै निर्वाचनको तैयारीमा जुटीसकेको र बाहिर चुनाव हुन नदिने दोहोरो चरित्र देखाएर जनतामा भ्रमको खेती गरीरहेको बताए । उनले अब जनताले नेकपा एमालेलाई हुन लागेको निर्वाचनमा पहिलो पार्टिको रुपमा स्थिापित गर्ने दावी गरे ।
कार्यक्रममा बोल्दै एमाले केन्द्रीय प्रचार विभाग सदस्य अरविन्द सिहंले राष्ट्रियताको पक्षमा बोल्ने पार्टी नेकपा एमालेमात्र भएकोले एमालेलाई बदनाम गर्न तराईका जनतामा मोर्चाका कार्यकर्ताले अराजक्ता फैलाउने काम मात्र गरीरहेको बताए ।
नेकपा एमाले रामबन टोल कमिटीका उपाध्यक्ष नारायण त्रिपाठीको अध्यक्षतामा सम्पन्न कार्यक्रममा प्रदेश नं. २ का प्रदेश कमिटी सदस्य बालगोपाल थापा, क्षेत्रीय कमिटी सचिव मानदेव हजरा, क्षेत्रीय कमिटी सदस्य रेयाजुल अन्सारी, बेल्वा गाउंपालिकाको वडा नं. ६ का वडा अध्यक्ष महादेव गुरो लगाएतको उपस्थिती रहेको थियो । कार्यक्रममा अन्य पार्टी परित्याग गरी १० जनाले नेकपा एमालेमा प्रवेश गरेका छन् । रामकुमार थापाले संचालन गरेको कार्यक्रममा सपना मोक्तानले स्वागत गरेकी थिइन ।