बीरगंज ३१ जेठ । सम्बिधान संशोधन शहीद घोषणा,घाइतेको उपचार स्थानीय तहको बृद्धि लगायतका माग पुरा नभए मधेशमा चुनाव नहुने राजपाका नेता बताएका छन   । 
राष्ट्रीय जनता पार्टीका अध्यक्षमण्डलका  नेता महतोले बीरगंजको आन्दोलनको केन्द्र घण्टाघरमा आयोजना गरिएको पत्रकार सम्मेलनमा बोल्दै निर्वाचनको माहोल बन्दै गरेको चर्चा चलाएर ठुला दलले जनताको बिरुद्ध षडयन्त्र गरेको आरोप लगाए  ।

उनले  जुन सम्बिधान मधेशी जनताका निम्ति बिभेदकारी छ त्यसलाई कार्यान्वयन गर्ने गरि गर्न लागिएको स्थानीय तहको निर्वाचनमा आफूहरुले भाग नलिने बताए  । उनले राजपा बिनाको चुनाव मधेशमा हुन नसक्ने दावी गरे । निर्वाचनका लागि पहिले सरकारलाई  सीमाकंन विवाद सल्टाउने ढोका खोल्ने उनले सुझाए । नागरिकता, राष्ट्रिय सभामा प्रतिनिधित्व लगायतका विवाद सुल्झाउने सुनिश्चितता गर्नुपर्यो । संविधान निर्माण गर्दा एकसाथ रहेका ठूला तीन दल अहिले संशंोधनका लागि दुई तिहाई नपुग्ने भन्दै पन्छिन खोजेको उनले आरोप लगाए । 

‘दुई तिहाईको बहाना मात्र हो,’ उनले भने, ‘त्रुटिपूर्ण संविधान निर्माण गर्दा सबै मिल्ने अनि अहिले संशोधन गर्दा नमिल्ने, सुधार गर्ने जिम्मा पनि उनीहरुकै हो ।’ मधेसका जनताले निर्वाचनभन्दा अगाडि अधिकार चाहेको उनले बताए । अगामी असार १४ को चुनाव नसारे अनर्थ हुने चेतावनी दिए ।‘मधेसीको समस्या समाधान गरेर निर्वाचन गराए देश बच्छ,’ महतोले भने, ‘नत्र देशमा अनर्थ हुन्छ । समस्या दुई नम्बर प्रदेशमा मात्र छैन्, पुरै मेचीदेखि महाकालीसम्म छ ।’ 

मधेशमा संघीय समाजवादी फोरम तपाईहरुको तारोमा किन परेको हो भनी पत्रकारले राखेको जिज्ञासाको जवाफ दिदै नेता महतोले हक अधिकारकालागि लडेकोे भन्दै जनतालाई शहादत दिन लगाउने यादवलाई  अहिले त्यत्रो आन्दोल अध्यक्ष र मेयर बन्नकालागि हो र ? भन्दै जनताले सोध्न खोजेका होलान भने ।  । उनले उपेन्द्र यादव के.पी.ओलीको नयाँ अवतारको रुपमा देखा परेको चर्चा गर्दै उनी बिरुद्ध आफनो पार्टीलेकेही नगरेको दावी गरे ।

यादव त हाम्रा मित्र हुन नी महतोले भने  हाम्रो मित्र भएर हुदो रहेनछ जनताले नछोडने रहेछन । उनले उपेन्द्र यादवको मानसिक अवस्था ठिक नभएको बताए । मंगलवार मात्र यादवले राजेन्द्र महतोलाई भारतीय नागरिक भएको टिप्पणी गरेका थिए । यादवको त्यो टिप्पणीको प्रतिवाद गर्दै नेता महतोले हिजो आन्दोलनको बेलामा नाकामा बस्नेहरु जनतालाई भारतीय भन्ने गरिएको थियो आज उपेन्द्र जी त्यही भन्दै हुनुहुन्छ यस्तो कुरा त स्वस्थ नेताले भन्नै सक्दैननी भने ।आन्दोलनलाई चर्काउन आज बीरगंज झरेका महतो केही दिन मधेशमै रहने बताइएको छ । 

पत्रकार सम्मेलनमा राजपाका जीतेन्द्र सोनल, राजेशमान सिंह, सुरेन्द्र कुर्मी, शिव पटेल, शशी कपुर मियाँ, पुरुषोत्तम झा लगायतका नेता उपस्थित रहेका थिए ।