चुनावलाई मध्यनजर गर्दै सीमा शिल,सुरक्षा ब्यवस्था कडा
बीरगंज३१भदौ । आउँदो सोमबार हुने स्थानीय तहको चुनावलाई लक्षित गरेर भारतसँग सीमा जोडिएका सबै नाका बन्द गरिएको छ ।
स्थानीय तहको निर्वाचनको सुरक्षाको लागि शुक्रबार रातिदेखि नाका बन्द गरिएको पर्साका प्रहरी प्रमुख एसपी सुदीप गिरीले बताउनु भयो । पर्सा जिल्लामा १ सय ६७ मतदान स्थलमध्ये ७३ मतदान स्थलहरु संवेदनशील स्थलमा रुपमा स्थानीय प्रशासनले पहिचान गरेको छ । ती पहिचान गरिएका मतदान स्थलहरु धेरै जसो सीमावर्ती इलाकामा रहेका छन् । असोज २ गते राति १२ बजेसम्मका लागि सीमा नाकाहरु बन्द हुने स्थानीय प्रशासनले जनाएको छ ।
पर्सा जिल्लाको १ सय ७ किलोमिटर भू–भाग भारतको बिहारसँग जोडिएको छ । नाका बन्द गरिएसँगै सुरक्षाकर्मीले नेपाल भारत आवतजावतमा रोक लगाएका छन् । भारतबाट नेपाल प्रवेश गर्ने मुख्य नाका वीरगन्ज भन्सार कार्यालय अगाडीको ढाट सुरक्षाकर्मीले खसाएर ताल्चा लगाइदिएका छन् ।
सीमा नाकामा नेपाल प्रहरी र सशस्त्र प्रहरीले साइकल, मोटरसाइकल, रिक्सा, ट्याम्पु लगायतका सबै खाले सवारी साधन आवजावतमा रोक लगाएका छन् । सीमा वारपार गर्ने पैदल यात्रुहरुलाई समेत शरीर खानतलाशी गरेर मात्रै आवात जावत गर्न दिइएको छ । बीरगंज रक्सौल नाकामा भने सुरक्षाकर्मीले पेट्रोलियम पदार्थ बोकेका टंयाकरलाई एउटा निश्चित समयमा नेपाल प्रवेश हुन दिएका छन् भने एम्बुलेन्सको आवत जावतलाई अवरोध गरेका छैनन् ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया