बीरगंज ३० बैशाख । 
पर्साको क्षेत्र नं ३ बाट निर्वाचित सासद हरिनारायण रौनीयारले भारतीय प्रधानमंत्री नरेन्द्र मोदीसंग भेटवार्ता भएको भन्दै काल्पनीक समाचार प्रकाशमा आएको छ । भारतीय प्रधानमंत्री मोदीसंग “भेट” भएको तर “वार्ता”नभएको सत्यलाई लुकाएर झूठो समाचार सार्वजनीक भएको बिशलेषकहरुले बताउन थालेका छन ।

भारतीय प्रधानमंत्री नरेन्द्र दामोदर दास मोदी संग जनकपुरमा प्रदेश २ का केही सासदहरुको भेटवार्ता भएको कुरा संचार माध्यम मार्फत सार्वजनीक भएको छ । त्यसरी भारतीय प्रम मोदीसंग “भेटवार्ता” नै गर्न पाउने दावी गर्ने मध्यका एक हुन रौनीयार । 

रौनीयारले  दुई नम्बर प्रदेशको बिकासका बिषयमा भारतीय प्रधानमंत्री मोदीसंग छलफल गरेको दावी गरिएको छ । 
भारतीय प्रधानमंत्री नरेन्द्र मोदीको निर्धारित कार्यक्रम अनुसार साढे १० बजे जनकपुर एयरपोर्टमा ल्याण्ड गर्ने ,पन्ध्र मिनेट सम्म फ्रेस भएपछि पौने ११ बजेदेखी जानकी मन्दीरमा पूजामा सहभागि हुने कार्यक्रम तय थियो । त्यसैगरि पूजा सकिएपछि मन्दीर परिसर बाटै रामायण सर्किटको उद्धघाटन र जनकपुर अयोध्या बस सेवा संचालनकालागि हरियो झण्डा फहराउनु थियो ।

त्याहा दुबै देशका प्रधानमंत्रीले १५ मिनेट सम्बोधन गर्ने कार्यतालिका थियो । त्याहा दुवै प्रधानमंत्रीले सम्बोधन गरे । १४ मिनेट समय दुबै प्रधानमंत्रीको सम्बोधनमा लाग्यो । त्यहाबाट भारतीय प्रधानमंत्री नागरिक अभिनन्दन समारोह बार्ह बिगाह मैदानमा बनाइएको मंच तर्फ लागे । भारतीय प्रम मोदीले सम्बोधन गर्ने मंचको पछाडी राम्रो हल बनाईएको थियो । जाहा बिशिष्ट ब्यक्तिहरु भारतीय प्रधानमंत्रीलाई स्वागत गर्न लामवद्ध थिए ।

यो समुहमा संघीय ससदका सदस्यहरु,प्रदेश सभाका सदस्यहरु,प्रदेश सरकारका मंत्रीहरु महानगर,उपमहानगरका मेयरहरु बिशिष्ठ सरकारी अधिकारीहरु र सरकारले बिशिष्ठ ब्यक्तिको रुपमा पास उपलब्ध गराइएका प्रदेश २ का उधोगी ब्यापारीहरु रहेका थिए । यो लाईनमा झण्डै २ सय भन्दा बढी ब्यक्ति थिए । त्यहा भारतीय प्रधानमंत्री मोदीसंग तस्विर लिने र एकसरो नाम भनेर स्वागत गर्नेहरुकालागि कति समय लाग्ला ? सहजै अनुमान लगाउन सकिन्छ । 

भारतीय प्रधानमंत्रीको त्यसपछिको कार्यक्रम मंचमा थियो । मंचको कार्यक्रम सकिएपछि त्यस्तो भेटघाट र छलफलको कार्यक्रम केही थिएन । संसारकै ठुलो लोकतन्त्रका सरकार प्रमुख यशवस्वी नरेन्द्र मोदी भन्दै कार्यक्रमका संचालक प्रदेश सरकारका भौतीक पूर्वाधार बिकास मंत्री जितेन्द्र सोनल भन्दै थिए । कार्यक्रम तालिकामा भारतीय प्रधानमंत्रीले सासदसंग भेटवार्ता गर्ने कार्यक्रम समाविष्ट थिएन । प्रदेश सरकार वा भारतीय दुतावासले समेत कार्यक्रम तालिका बारेमा दिएको जानकारीमा यस्तो उल्लेख थिएन । तर भेटवार्ता भयो र त्यो भेटवार्ता गर्ने सौभाग्यशाली सासद हुन संघीय समाजवादी फोरम नेपाल पर्साको क्षेत्र नं ३ वाट बिजयी सासद हरिनारायण रौनीयार ।
सासद रौनीयारले बिकासको बिषयमा भारतीय प्रधानमंत्रीसंग छलफल गरेको दावी गरिएको छ । उनले भारतीय प्रधानमंत्री मोदी संग “नेपालको २ नम्बर प्रदेशको बिकास नभई भारतको बिकास पनि पूर्ण नहुने ” बताएको सार्वजनीक भएको छ  ।

नेपाल भित्र करिव ५ किलोमिटर लम्वाईको निर्माण हुने पक्की पूलको ठेक्का अन्र्तगत राज्यको १२ अर्व होल्ड गरेर बसेको निर्माण कम्पनी पप्पु कन्स्ट्रक्शनका संचालक समेत रहेका रौनीयारको यो प्रदेशको बिकासप्रेम चाही चाख लाग्दो हुदै गएको छ । भारतीय प्रधानमंत्री समक्ष आफनो नाम समेत भन्न नभ्याउने समय तालिकामा रौनीयारले यती कुरा गरेकै होलान त ? भन्ने गम्भिर सवाल उठेको छ ।

भारतीय प्रधानंत्रीले रौनीयारलाई जती समय दिएर छलफल गरे त्यती समय अन्य केहीलाई पनि दिएको भए बार्हबिगाह मैदानको कार्यक्रम समयमै शुरु हुन्थ्योहोला र ? जनतालाई मुर्ख बनाउन भारतीय प्रधानमंत्रीलाई नै दुरुपयोग गर्ने पारालाई इमान्दार पारा भन्न नसकिने नाम उल्लेख नगर्ने शर्तमा संघीय समाजवादी फोरम नेपालका एक युवा नेताले बताएका छन ।

पार्टी भित्र बिकास हुदै गएको गुट अस्वस्थ अन्तरसघर्षमा रौनीयार बलियो बन्ने धुनमा छन त्यसकालागि उनले राजनीतिमा पाच्य हुने नहुने सबै काम गर्ने उनी निकटकैले बताउनु थालेका छन । “ढाँटेको कुरा काटे मिल्दैन” भने जस्तै सस्तो लोकप्रियताको चक्करमा परेर सासद रौनीयारले आफनो छवी झनै धुमील बनाउदै छन । उनी र भारतीय प्रमवीच भेटवार्ता भएकै हो त भन्ने सवाल अहिले आएर एकाएक उठन थालेको छ ।