वीरगञ्जका मनिष पौडेललाई नेप्टोस फोटो स्टोरी २०७५ को उपाधि

7/5/2018 गते 00 00 मा प्रकाशित 2129 पटक पढिएको

वीरगञ्ज,२१ असार । फोटो पत्रकार क्लबको आयोजनामा भएको आइएमई–ग्लोबल–आइएमई नेपाल फोटो प्रतियोगिता –२०७५ को उपाधि नरेन्द्र श्रेष्ठले जितेका छन् भने नेप्टोस फोटो स्टोरीमा वीरगञ्जका फोटो पत्रकार मनिष पौडेलको फोटो प्रथम भएको छ ।

श्रेष्ठले गतवर्ष सप्तरीको कुलारी गाउँमा बाढीका कारण मृत्यु भएका पाँच वर्षीय बालकलाई अभिभावकले कोशी नदीमा बगाउ“दै गरेको फोटो यस वर्षको ‘फोटो अफ द इयर’ घोषित भएको हो । उपाधिसहित श्रेष्ठले रु एक लाख प्राप्त गरे भने मनिष पौडेलले ३० हजार हात पारे ।

पौडेलले सन् २०१६ मा तराई–मधेसबाट काठमाडौंमा मजदुरी गर्न आएकाहरुको खिचेको फोटो नेप्टोस फोटो स्टोरीमा प्रथम भएको हो ।

पौडेलले यसअघि पनि विभिन्न प्रतियोगीतामा ७ वटा उत्कृष्ठ फोटो पुरस्कार प्राप्त गरेका छन् भने उनी १३ वर्षदेखि निरन्तररुपमा फोटोग्राफी गर्दै आइरहेका छन् । पौडेलका फोटो स्थानी पत्रपत्रिकादेखि राष्टिय तथा अन्तराष्टिय सञ्चार माध्यममा छापी सकेका छन ।

विजेतालाई सञ्चार तथा सूचना प्रविधिमन्त्री गोकुलप्रसाद बा“स्कोटा, आयोजक संस्थाका अध्यक्ष विकास कार्कीलगायतले पुरस्कार प्रदान गर्नुभयो ।

उत्कृष्ट घोािषत भएका फोटो आगामी साउन १५ देखि २१ गतेसम्म नेपाल आर्ट काउन्सिल बबरमहलमा प्रदर्शनीमा राखिनेछ भने काठमाडौ बाहिर विराटनगर, भैरहवा, पोखरा, नेपालगन्ज र धनगढीमा समेत प्रदर्शनीको आयोजना गरिने फोटो पत्रकार क्लबले जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।