बीरगंज २२ साउन ।
बैज्ञानीक साम्यवादका प्रर्वतक सर्वहारा वर्गका महान नेता  कार्लमार्क्सको द्विशतावार्षिकी समारोह बीरगंजमा भब्यता पूर्वक मनाइने भएको छ । शतावार्षिकी मुल समारोह समितिले मंगलवार बीरगंजमा आयोजना गरेको पत्रकार सम्मेलनमा यस्तो जानकारी दिइएको हो । समितिले भाद्र १ र २ गते बीरगंजमा “मधेशमा माक्र्सवाद” शिर्षकमा माक्र्सवादका बारेमा बैचारिक बहस गर्ने भएको हो । 

कार्यक्रममा नेकापाका शिर्ष नेताहरु,अन्यवाम घटकका नेता तथा स्वतन्त्र बुद्धिजीवीहरुले समेत मार्क्सवादका बिभिन्न पक्ष र आयामाका बारेमा सोच दृष्टिकोण र बिचारहरु राख्ने कार्यक्रम रहेको पत्रकार सम्मेलनमा जानकारी गराइएयो ।

पत्रकार सम्मेलनमा द्विशतवार्षिकी मुल समारोह समितिका संयोजक घनश्याम भूषालले मधेशमा मार्क्सवादको ज्यादा आवश्कयता रहेको बताए । 
मार्क्सवादले समाजभित्रको वर्गीय अन्तरसर्घर्षको अवस्थालाई बैज्ञानिक रुपमा हल गर्ने भएकोले मधेशमा त्यसको सार्थकता झनै रहेको भूषालेको भनाई छ ।

मधेशमा अनेकौ समस्याहरु छन उनले भने “मधेशको भोक रोग शोक अज्ञानता पछौटेपनको अनत्यकोलागि पनि मार्क्सवाद जरुरी रहेको बताए ।

मधेशमा जातिय रुपमा दुरी बढाउन खोजिएको र राजनीतिलाई साम्प्रदायीक रंग दिन खोजिएको अवस्थाको चर्चा गर्दै नेता भूषालले जातीय र साम्प्रदायीक सोच भन्दा माथि उठनकालागि मार्क्सवाद आवश्यक  रहेको बताए । 

मार्क्सवादले नै नेपाली जनताको बलीदानीपूर्ण सर्घषबाट प्राप्त संघीय लोकतानत्रक गणतन्त्रलाई सुदृढ बनाउने  नेता भूषालले बताए । 
कार्यक्रममा शतवार्षिकी मुल समारोह समितिका सह संयोजक राम कार्कीले मधेशको अहिलेको समस्याको हल खोज्ने हो भने मार्क्सवाद बुझ्न जरुरी रहेको बताए । उनले मधेशको गाँठो फूकाउनु पर्नेमा जोड दिए ।

मधेशको गाँठो नफूकाउदा सम्म मुलुकले निकास नपाउने कुरा हेक्का राख्न आग्रह गर्दै नेता कार्कीले भने मधेशले कुनै दललाई सत्तामा पु¥याएको छ ठुला ठुला आन्दोलन गरेको छ बलीदानी दिएको छ तर पनि मधेश माथि किन उठन सकेन ? यो प्रश्नको उत्तर अव मार्क्सवादी  ज्ञानको प्रकाशमा खोज्नु पर्छ ।

 
 मार्क्सवादको आलोकमा मधेशले त्यही भित्रको बिभेद बुझ्ने छ र त्यसको अन्त्यकालागि मधेशले आफै अग्रसरता लिने छ नेता कार्कीले भने यसो गर्दा मात्रख मधेशको गाँठो फूकाउन सकिन्छ र प्रणालीको बिकास हुन्छ ।

शतवार्षिकी समारोह सफल बनाउनकालागि पूर्वमंत्री तथा नेकपा नेता पुरुषोत्तम पौडेलको संयोजकत्वामा ब्यवस्थापन समितिको निर्माण भएको छ । त्यस्तै गोविन्द देवकोटाको संयोजकत्वमा  प्रचार उप समिति  बनेको छ ।

समितिको सदस्यहरुमा के.सी.लामिछाने,महेश दास, लालबाबु शेख,श्याम बन्जारा,कमल उपाध्याय,अनुप तिवारी,निरज पिठाकोटे,रामबाबु मेहता र दिवारक भण्डारी लगायतका रहेका छन । त्यस्तै के.सी.लामिछानेको संयोजकत्वमा अवास उपसमिति निर्माण भएको छ । समितिमा उमेश गुप्ता,शिवजी गुप्ता रामबाबु यादव लगायतका रहेका छन ।

त्यस्तै बीरेन्द्र शाहको संयोजकत्वमा अभिलेख उपसमिति वालगोपाल थापाको संयोजकत्वमा खाना तथा खाजा ब्यवसथपन उपसमिति निर्माण भएको छ । पुरुषोतम पौडेलको संयोजकत्वमा आर्थिक उपसमिति र सचिवालय निर्माण भएको छ । 

भाद्र १ र २ गते बीरगंजको नगर सभागृहमा हुने “मधेशमा मार्क्सवाद”बैचारिक बहस कार्यक्रममा प्रदेश नम्बर २ का आठवटै जिल्लाबाट १ हजार नेता तथा कार्यकर्ताहरुको सहभागिता रहने आयोजकले जनाएका छन । कार्यक्रममा मार्क्सवाद प्रति रुची भएका तर नेकपा तथा अन्य कम्युनिष्ट घटक भन्दा  बाहिर रहेका युवाहरुले पनि भाग लिन पाउने आयोजकले बताए छन ।