महुवनमा आजबाट मौन अवधी शुरु हुने ,त्रिपक्षीय प्रतिस्पर्धा,उम्मेदवारहरुको आ आफनै दावी
वीरगंज ११ मंसीर। सखुवा प्रसौनी गाउँपालिकाको वडा नं ५ महुवनमा हुने उपनिर्वाचनको आज बाट मौन अवधी शुरु हुने भएको छ । चुनावी मैदान पाँच जना उम्मेदवार भएपनि त्रीपक्षीय प्रतिस्पर्धा देखिएको छ ।
वडाध्यक्षकालागि नेपाली कांग्रेस ,नेकपा र समाजवादी पार्टीका उम्मेदवारवीच प्रतिस्पर्धा हुने स्थानीय बुद्धिजीवीहरुको आकलन रहेको छ । नेपाली कांग्रेसको तर्फबाट अशेश्वर यादव,नेकपाको तर्फबाट उदयशंकर रौनीयार र समाजवादी पार्टीका तर्फबाट तत्कालीन वार्डअध्यक्ष बृजमोहन यादवका पुत्र रुपलाल यादव चुनावी मैदानमा रहेका छन ।
तत्कालीन संघिय समाजवादी फोरमबाट निर्वाचित वडाध्यक्ष बृजमोहन यादवको हृदयघातबाट निधन भए पछि उनको ठाउँमा उपनिर्वाचन हुँदै छ । सपाले बृजमोहनका ठूलो छोरा रुपलाललाई उम्मेदवार बनाएको छ ।
गाउँपालिकामा समाजवादी पार्टीले जितेको छ । सत्ता र स्रोतमा उसको पहुच भएकोले सपाको उम्मेदवार बलियो ठान्ने तर्कहरु छन । तर गाउँपालिकाको निर्वाचनमा नेकपा एमालेबाट उम्मेदवार भएका निरराज गिरी नेपाली कांग्रेसमा प्रवेश गरेका छन ।
असेश्वर यादव रुाजनीति बिरासतमै पाएका उम्मेदवार हुन । निर गिरीको प्रभावका कारण चुनावी रेसमा यादव अगाडि छन भन्नेहरुको संख्या पनि धेरै नै छ । असेश्वर यादव राजनीतिक ब्यक्ति भएपनि उनीमा स्थिरता भने छैन ।
पार्टी फेर्दै हिडने उनको बानी रहेको छ । असेश्वर यादव र रुपलाल यादव एउटै बलुवा टोलको भएको र त्याहाको भोट वाँडिने भएकोले महुवन बाट एकल उम्मेदवार रहेका नेकपाका उदयशंकर रौनीयार द्विपक्षीय संघर्षको वीचबाट फूत्त निस्कन सक्ने उम्मेदवारको रुपमा हेरिएका छन ।
चुनाव हुन लागेको वडा अन्तर्गत महुवन, बलुवा र सोलखपुर पर्दछ । सपा र नेकाले बलुवाको उम्मेदवार बनाएको छ भने नेकपाले महुवनको उम्मेदवार बनाएको छ ।
राप्रपाले महुवन कै सदरी महरालाई उम्मेदवार बनाएको छ भने एक जना स्वतन्त्र उम्मेदवार पनि चुनावी प्रतिस्पर्धामा छन् । स्वतन्त्र उम्मेदवारी दिएका महुवन कै गोपाल साह कानुलाई नेपाल समाजबादी पार्टीका नेता राजकुमार यादवको साथ रहेको छ ।
आजै राती १२ बजे देखि मौन अवधी समेत सुरु हुने भएकाले उम्मेदवारहरु चुनाव प्रचार प्रसारलाई अन्तिम रुप दिन पनि लागेका छन् । मुख्य प्रतिस्पर्धी दल सपा, नेका र नेकपाका शिर्ष नेताहरु पनि आ आफ्नो दलका उम्मेदवारका लागि भोट मागी रहेका छन् ।
पर्साको एक मात्र महुवनमा हुन लागेको उपनिर्वाचनका सबै उम्मेदारहरुले आफू नै चुनाव जित्ने दाबी गरेका छन् । मतदातहरुले पार्टी होईन ब्यक्तिलाई देखेर मतदान गर्ने बताईरहेका छन् ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
खाद्य स्वच्छता मापदण्ड उल्लंघन गरे वीरगंजका तीनवटा मिठाई पसललाई २०/२० हजार जरिवाना
वीरगञ्ज । खाद्य स्वच्छता सम्बन्धी मापदण्ड उल्लङ्घन गरेका तीनवटा पसललाई २०/२० हजार रुपैया जरिवाना गरिएको छ । वीरगञ्ज महानगरपालिका–६ माईस्थानस्थित सञ्जय खोवा भण्डार, गणेश मिष्ठान भण्डार तथा वीरगञ्ज महानगरपालिका–११ रानीघाटस्थित सम्भु लड्डु तथा मिष्ठान भण्डार लाई जरिवाना गरिएको हो ।
सेस्मी इन्टरनेशनल स्कुलको एसईई परिक्षामा सहभागि सबै बिद्यार्थी सफल
वीरगञ्ज। सेस्मी इन्टरनेशनल स्कुलले यस वर्षको माध्यमिक शिक्षा परीक्षा (एसईई) मा शतप्रतिशत नतिजा हासिल गर्दै उत्कृष्ट शैक्षिक उपलब्धि प्राप्त गरेको छ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया