नक्कली नागरिकता दिने अड्डै चलाएका साह कानूनको फन्दामा
बीरगंज २५ फाल्गुण ।
अख्तियार दुरुपयोग अनुसन्धान आयोगले भ्रष्टचारी ठहर गरि जेल सजाय भोगेर निस्केका पूर्व गाविस सचिव बिन्दा साह फेरी कानूनी फन्दामा परेका छन । उनलाई पर्सा प्रहरीले पक्राउ गरेको छ । आफनै घर वीरगंज–१६ भिस्वा बाट नक्कली नागरिकता बनाएर बितरण गरेको पाइएपछि प्रहरीले उनलाई घरबाटै पक्राउ गरेको हो ।
साहको घरबाट तीन दर्जनभन्दा बढी नक्कली नागरिकता, नागरिकतामा टाँस्ने होलोग्राम, तमसुक, विभिन्न व्यक्तिहरूको फोटो, नागरिकताको फाराम, प्रतिलिपि फारामलगायत कागजात फेला परेको प्रहरी उपरीक्षक गङ्गा पन्तले बताउनु भयो ।
फागुन २२ गते जिल्ला प्रशासन कार्यालयमा राहदानी बनाउन गएका चोर्नी घर भई हाल वीरगंज–१३ बस्ने अभिषेक साहलाई प्रहरीले पक्राउ गरेपछि बिन्दा साहको बारेमा प्रहरीले जानकारी पाएको हो ।
नक्कली नागरिकतासहित पक्राउ परेका अभिषेकको स्थायी ठेगाना भारत, पश्चिमी चम्पारण, वाल्मीकिनगर थाना, सोनवर्षा हो । पूर्व गाविस सचिव साहले चोर्नी गाविस वडा नं ८ बाट नक्कली नागरिकता बनाइदिएका थिए । पक्राउ परेका साह केही वर्ष पहिले सो गाविसमा सचिवको रुपमा कार्यरत रहेका थिए ।
राहदानी बनाउन गएको बेला नागरिकताको मुख्य अभिलेखमा अभिषेकको नाम फेला नपरेपछि र नागरिकता नं.मा फरक नाम रहेपछि प्रहरीले अभिषेकलाई पक्राउ गरेको थियो । अनुसन्धानको क्रममा पूर्वसचिव साहको नाम सार्वजनिक भएपछि प्रहरीले साहलाई शनिवारदेखि नै खोजी शुरू गरेको थियो ।
प्रहरी स्रोत अनुसार एउटा नागरिकता बनाउन साहले रु ४० हजार लिने गरेका थिए । नेपालमा बसोबास गरी विभिन्न व्यवसाय गर्दै आएका नेपाली नागरिकता लिन चाहने भारतीय नागरिकहरूलाई दलालमार्पmत् बिन्दा साहले फाराम भर्न लगाउने र सो फाराम आप्mनै घरमा राखेर नक्कली नागरिकता बनाएर दिने गरेको प्रहरीले दाबी गरेको छ ।
स्रोतका अनुसार नागरिकता कार्डमा कम्प्युटर टाइप गर्ने व्यक्ति, होलोग्राम र नागरिकता कार्ड कसले दियो भन्नेबारेमा प्रहरीले अनुसन्धान गरिरहेको छ ।
पक्राउ परेका साहले प्रतिव्यक्ति रु ४० हजार लिने गरेको र नागरिकता कार्ड तथा होलोग्राम अन्य व्यक्तिले दिने गरेको स्वीकारेका छन् । प्रहरीले भने नागरिकता कार्ड र होलोग्राम दिने व्यक्तिको नाम गोप्य राखेको छ ।
पक्राउ परेका पूर्व सचिव साहलाई अख्तियारले २०६३ सालमा भ्रष्टाचारको मुद्दा लगाइ निलम्बन गरेको थियो। २०७३ सालमा ५ महीना सजाय भुक्तान गरी घरमा बस्दै आएका साहको टीममा अन्य व्यक्तिको पनि सहभागिता रहेको बुझिएको छ । जिल्ला प्रशासन कार्यालयका केही कर्मचारीको पनि यस कार्यमा संलग्नता रहेको स्रोतले बताएको छ ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मञ्च क्यानडाको अध्यक्षमा रमेश धिताल चयन
प्रवासी नेपाली मञ्च क्यानडाको अध्यक्षमा रमेश धिताल सहितको कार्यसमिति सर्वसम्मत चयन भएका छन ।
अभियन्ता चौधरीलाई ‘ग्लोबल एन्टी रेसिजम च्याम्पेनसिप अवार्ड’
वाशिङ्गटन डिसी । नेपालकी सामाजिक अभियन्ता उर्मिला चौधरीे ग्लोबल एन्टी रेसिजम च्याम्पेनसिप अवार्डद्वारा सम्मानित भएकी छिन ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मधेशका मुख्यमन्त्री सिंहद्वारा अयोध्या राममन्दिर ट्रष्टका महासचिव चम्पत रायलाई निमन्त्रणापत्र हस्तान्तरण
बीरगंज । मधेस प्रदेशका मुख्यमन्त्री सतिशकुमार सिंहले उतरप्रदेशको अयोध्याधाममा आयोजित तिलकोत्सव समारोहमा भारतीय पक्षलाई निम्तोपत्र हस्तान्तरण गरेका छन ।
खेलकुद
महिला क्रिकेट खेलाडीलाई जनही दुई लाख पचास हजार पुरस्कारको घोषणा
काठमाडौँ । नेपाल क्रिकेट सङ्घ (क्यान) ले पाली महिला क्रिकेट टोलीका खेलाडीलाई पुरस्कार दिने घोषणा गरेको छ ।
क्रिकेट संघको तेश्रो साधारण सभा सम्पन्न ,क्रिकेटको बिकासकालागि प्रदेश सरकार कटिबद्ध छः मंत्री जयसवाल
बीरगंज । मधेश प्रदेश क्रिकेट संघको तेश्रो बार्षिक साधारण सभा आइतबार बीरगंजको सम्पन्न भएको छ ।
तपाईको प्रतिक्रिया