कोरोना संक्रमण प्रभावः बीरगंजका धेरै पत्रिकाको प्रकाशन बन्द
बीरगंज १४ चैत ।
कोरोना भाइरसको सङ्क्रमण नियन्त्रणकालागि घोषणा गरिएको लकडाउनको प्रभाव संचार क्षेत्रमा देखा परेको छ । संक्रमण नियनत्रणकालागि सरकारले लकडाउन घोषित गरेकोमा समाचार सङ्कलन, सम्प्रेषण र प्रकाशनमा खटिने कर्मचारीहरू प्रभावित भएका छन । समाचार संकलन गर्ने पत्रकार सम्पादनमा लाग्ने तथा प्रेसमा प्रकाशनमा संलग्न जनशक्ति घरमै रहने भएपछि पत्रिका प्रकाशन अप्ठयारो भएको हो ।
महामारीको बेलामा भौतीक रुपमा मैदानमा उत्रिएर सूचना दिने सेवा गर्न कठिन भएपछि पत्रिकाको प्रकाश बन्द गर्नु परेको नेपाल पत्रकार महासंघ प्रदेश २ का अध्यक्ष दीपेन्द्र चौहानले बताउनु भयो ।
पर्सामा साप्ताहिक पत्रिकाहरूको सञ्जालको निर्णय अनुसार तीन महीनाको लागि साप्ताहिक पत्रिकाको प्रकाशन बन्द भइसकेको छ ।
नेपाल पत्रकार महासङ्घ, पर्साका अध्यक्ष श्याम बन्जाराले प्रतीक दैनिकबाहेक सबै पत्रिकाको प्रकाशन बन्द भइसकेको बताउनु भयो ।
उहाँले दैनिक पत्रिकाहरू प्रकाशनमा समाचार सङ्कलन, सम्प्रेषण र मुद्रणको समस्या भएको कारण बन्द भएको बताउनु भयो । असहज परिस्थितिमा प्रकाशन सहज नभएको कारण बन्द गरिएको बताउँदै उहाँले परिस्थिति अनुकूल भएपछि पत्रिकाहरू प्रकाशित हुने बताउनु भयो ।
अध्यक्ष बन्जाराले वीरगंजबाट करीब दुई दर्जनभन्दा बढी दैनिक पत्रिका प्रकाशन हुने गरेका र सबै पत्रिकाको प्रकाशन बिहीवारदेखि बन्द रहेको बताउनु भयो । त्यसअघि केही पत्रिकाहरू सञ्चालनमा रहेका तर बिहीवारदेखि प्रतीकबाहेक दैनिक पत्रिकाको प्रकाशन बन्द भएको बताए ।
बीरगंजबाट अंकुश दैनीक,जनसृष्टि दैनीक, नारायणी टुडे,जनभण्डाफोर दैनीक,न्यूज २४ दैनीक,जनप्रतिविम्ब दैनीक,बाइपास दैनीक,प्रतिफल दैनीक,सर्व राष्ट्रीय दैनीक,बीरगंज समाचारपत्र दैनीक,भोजपुरी टाइम्स लगायतका दैनीक पत्रिकाहरु प्रकाशीत हुदै आएका थिए ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया