logo

बीरगञ्ज महानगर ,एउटा कोठा ब्यव्स्थापनकालागि बोर्ड बैठक, त्यो पनि निष्कर्षमा पुगेन, बैठकको प्रत्यक्ष प्रशारण गर्न माँग

 इसीमाना सम्वाददाता     २०८० मंसिर २८ गते ०६: ०२ मा प्रकाशित     281   पटक पढिएको

बीरगंज । एउटा कोठा ब्यवस्थापनको ऐजेण्डामा छलफलमा जुटेको बीरगंज महानगरको बोर्ड बैठक निष्कर्ष निकाल्न असफल भएको छ । सेवा प्रवाहको बिषयमा छलफलको ऐजेण्डा बन्नु पर्नेमा कुन कोठामा कुन शाखा राख्ने भन्ने बिषय बोर्डको एजेण्डा बन्नुले महानगर जगहसाईको बिषय बनेको छ ।

 

मधेश प्रदेशको एकमात्र महानगर बीरगञ्ज महानगरपालिकाले सार्वजनिक सेवा प्रवाहमा ध्यान दिनुपर्नेमा कुन कोठामा कुन शाखा राख्ने भन्ने विषयको विवादमा अल्झेर आफ्नो सम्पूर्ण शक्ति सोही विषयमा केन्द्रीत गरेको छ ।


संवैधानिक र कानुनी व्यवस्था अनुसार कार्यालय व्यवस्थापनको जिम्मेवारी प्रमुख प्रशासकीय अधिकृतलाई दिइएको छ । तर, महानगरको खाली रहेको एउटा कोठामा कुन शाखा राख्ने भन्ने विवादले मेयर र उपमेयरका समर्थकबीच कुटाकुट भएपछि सो सम्बन्धी निर्णय गर्न कार्यपालिका बैठक नै बोलाइएको छ ।

 

त्यो पनि निकास निकाल्न अस्फल । अव आउने सोमवार सम्ममा निकास के हुन सक्छ भन्ने कुरा अध्ययन गरेर प्रतिवेदन सुशासन समितिलाई जिम्मा लगाइएको छ । समितिले दिएको प्रतिवेदन बोर्डमा छलफल भएर निर्णयमा पुग्ने एक वडाध्यक्षले जानकारी दिए ।

 

बैठकमा सहमती कायम हुन नसकेपछि सुशासन समितिलाई प्रतिवेदन दिने गरि आजको बैठक सकिएको वडबध्यक्ष रामकिशोर सिंहले बताए । उनले महानगरको बैठक कसरी संचालन भएको छ ? जनताका कस्ता बिषय कसरी बैठकमा प्रवेश पाउछन र आफ्ना जनप्रतिनिधिले कसरी छलफल गर्छन भन्ने कुरा नागरिकले जानकारी पाउन आवशयक रहेको बन्दै बैठकको प्रत्यक्ष प्रशारण गरिनु पर्ने माँग राखेका थिए ।

 

यसअघि प्रमुख प्रशासकीय अधिकृतले प्रयोग गर्दै आएको कोठा खाली भएपछि सो कोठामा सामाजिक सुरक्षा तथा पञ्जिकरण शाखा सार्ने मेयर र प्रमुख प्रशासकीय अधिकृतले योजना बनाएका थिए ।

 

तर, उपमेयर भने सो कोठालाई पनि आफ्नो सचिवालयका रुपमा प्रयोग गर्ने अडानमा देखिए उपमेयरले पञ्जिकरण शाखा सार्ने बारेमा आफूलाई जानकारी नभएको दावी समेत गर्दै आएका छन। सोही कारण विवाद हुँदा मंगलबार दुईपक्षबीच कुटाकुट नै भएको थियो ।

स्थानीय सरकार संचालन ऐन २०७४ को दफा ८४ मा महानगरपालिकाको प्रमुख प्रशासकीय अधिकृतको काम कर्तव्य र अधिकार सम्बन्धी व्यवस्था छ । सो दफाका अनुसार महानगरपालिकाको कार्यपालिका बैठकमा प्रमुख प्रशासकीय अधिकृतले सदस्य सचिव भएर काम गर्ने भन्ने व्यवस्था छ ।

 

कार्यालय प्रमुखले ब्यवस्थापन गर्न सक्ने बिषय सतहमा बिवादको रुपमा देखिए पनि अन्तरनिहित स्वार्थ भने अरुनै रहेको एक वडाध्यक्षले बताए । महानगरको सबै शक्ति परिचालन गरेर कार्यालय ब्यवस्थापन सम्बन्धी पहिलो पटक बोर्ड बैठक भएको उनले बताए ।

सो महानगरमा गत निर्वाचनमा अहिलेको सत्ता गठबन्धन एक भएर चुनाव लडेको थियो । महानगरको मेयरको उम्मेदवार जनता समाजवादीले पाएको थियो भने उपमेयर पद नेपाली काँग्रेसले पाएको थियो । सोही अनुसार मेयरमा जसपा उम्मेदवार सिंह विजयी भएका थिए भने उपमेयरमा काँग्रेस उम्मेदवार आलम विजयी भएका थिए ।

अहिले संघीय सरकारमा पनि नेपाली काँग्रेस र जसपा सत्ता गठबन्धनमा सहभागी छन् ।

तपाईं हामीसंग फेसबुकट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

भाजपा साँसद निषाद कांग्रेसमा सामेल हुदै, बिजेपीलाई लाग्ने भयो धक्का

मुजफ्फरपुर । बिहार राज्यको एक प्रमुख शहर मुजफ्फरपुरबाट लोकसभा सिटमा भाजपाबाट बिजयी अजय निषादको टिकट काटिएको छ । सन २०२४को लोकसभा निर्वाचनकोलागि उनको टिकट काटिएको हो ।

राष्ट्रसंघको मुख्यालयमा नेपाल प्रर्दशनी हुने

न्यूयोर्क ।अमेरिकाको न्यूयोर्कमा रहेको संयुक्त राष्ट्रसंघको मुख्यालयमा नेपालको पर्यटन, कला र संस्कृति प्रबर्द्धनका लागि प्रदर्शनी गरिने भएको छ ।

केजरीवालको गिरफ्तारीको बिषयमा अमेरिका र जर्मनीको चासो ,निष्पक्ष, पारदर्शी र कानुनी प्रक्रियाको पालनाको अपेक्षा

नयाँदिल्ली । दिल्लीका मुख्यमन्त्री अरविन्द केजरीवालको गिरफ्तारीबारे अमेरिकाको टिप्पणीप्रति कडा आपत्ति जनाउँदै भारतको विदेश मन्त्रालयले बुधबार एक वरिष्ठ अमेरिकी कूटनीतिज्ञलाई बोलाएको छ ।

भारतमा लोकतन्त्रमाथि संकट,चुनावी निरंकुशता कायमः वी-डेम

नयाँ दिल्ली। वेराइटीज ऑफ डेमोक्रेसी (प्रजातन्त्रका विविधताहरू) नामक संस्थाको लोकतन्त्र रिपोर्ट २०२४ अनुसार, भारतमा अझै पनि विभिन्न सूचकहरूमा कम अंकको साथ चुनावी निरंकुशता कायम छ।

खेलकुद

छ बल छ छक्का ऐरीले बनाए बिश्व रिकाँर्ड,कतार ३२ रनले पराजित

वीरगन्ज । ओमानमा जारी एसीसी प्रिमियर कपमा नेपालका अलराउन्डर दीपेन्द्रसिंह ऐरीले आफनो नाममा अर्को बिश्व रेकर्ड बनाएका छन ।

एसएस ईभेन्ट्स र नेकोसको संयुक्त आयोजनामा कर्पोरेट सुपर सिक्सेस हुने

वीरगंज । एसएस एभेन्ट्स प्रा.ली. र नेकोसको संयुक्त आयोजनामा कर्पोरेट सुपर सिक्सेस सिजन–७ आगामी वैशाखको अन्तिम सातादेखि सुरु हुने भएको छ ।
सम्पादक

कृष्णचन्द्र लामिछाने

९८५५०२२४९७

बिरगंज १४, पर्सा

सम्पर्क

सीमाना मिडिया प्रा.लि.
बिरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2021 Simana Media Pvt. Ltd.

Design and Development by Cyberlink Pvt. Ltd.