वीरगञ्ज ।मधेश सरकारका मुख्यमंत्री सरोज कुमार यादवले मधेश बिश्वबिद्यालयको पूर्वाधार निर्माणकालागि आवश्यक बजेट उपलब्ध गराउने प्रतिवद्धता जनाएका छन ।

मधेस विश्वविद्यालयले नेपालको पहिलो विश्वविद्यालय नेपाल राष्ट्रिय विद्यापीठ स्थापनाको स्मरणमा आयोजना गरेको एक कार्यक्रमलाई सम्बोधन गर्दै यादवले भने जग्गा उपलब्ध गराउनु डिपीआर बनाएर आउनुस चाहिने बजेट हाल्छु ।

मुख्यमंत्री यादवले मधेश बिश्वबिद्यालय मधेश प्रदेशको गौरवको योजना भएको बताए । उनले भने छिटो गरौ मेरै कार्यकालमा निर्माण र उद्धघाटन गर्नु पर्छ ।

उनले सरकारहरुको ठेगान नहुने भन्दै बिश्वबिद्यालयको पूर्वाधार निर्माणको काम आफ्नो प्रथामिकतामा रहेको बताए । उनले बिकास निर्माणकालागि सबैलाई पार्टी भन्दा माथि उठन पर्ने बताए ।

नेपालको पहिलो विश्वविद्यालयको परिकल्पनाले नै आज मधेस विश्वविद्यालय स्थापना गर्न सफल भएको भन्दै नेपालको पहिलो विश्वविद्यालय नेपाल राष्ट्रिय विद्यापीठ विश्वविद्यालयको स्मरण गरिएको हो ।

कार्यक्रममा कार्यपत्र प्रस्तुत गर्दै मधेस विश्वविद्यालयका उपकुलपति प्राध्यापक डाक्टर दिपक शाक्यले वि.सं. २००७ सालमा राणाशासनको अन्त्यपछि वीरगन्जमा उच्च शिक्षाको लागि महाविद्यालयको आवश्यकता महशुस गरेर वीरगन्जमै विश्विद्यालय स्थापना गरिएको तथ्य रहेको बताए ।

वीरगन्जको श्रीपुरमा रहेको नेपाल राष्ट्रीय विद्यापीठ माध्यामिक बिद्यालयमा २००७ साल चैत्र २५ गते आजकै दिन नेपालको पहिलो विश्वविद्यालय नेपाल राष्ट्रिय विद्यापीठ विश्वविद्यालयको स्थापना गरिएको थियो ।

०२८ साल सम्म बिश्वबिद्यालयले काम गरेको भएता पनि त्यही सालमा आएको शिक्षा ऐनका कारण बिश्वबिद्यालयको काममा रोक लगाइएको जानकारहरुले बताउछन। बिश्वबिद्यालयको त्यही स्थापनाको निरन्तरताको कडीको रुपमा मधेश बिश्वबिद्यालयको निर्माण भएको वक्ताहरुले बताएका छन ।

पर्सा क्षेत्र नम्बर १ का प्रतिनिसिभा सदस्य प्रदीप यादवले मधेस विश्वविद्यालय स्थापना ऐतिहासिक मधेस आन्दोलनको उपलब्धि भएको र यसको पूर्वाधार निर्माणमा मधेस प्रदेश सरकारको मुख्य जिम्मेवारी रहेको बताए ।

यादवले पहिले वीरगन्ज विश्वविद्यालय स्थापनाका लागि संकलन गरिएको ६ करोड भन्दा बढी रकम बैंकमा राखेर ब्याज खाईरहेको हुँदा त्यसलाई ठाकुरराम बहुमुखी क्याम्पसको छात्रावास निर्माणमा खर्च गर्न सुझाव दिए ।

कार्यक्रममा शिक्षा तथा सस्कृति मन्त्री एवं मधेस विश्वविद्यालयका सहकुलपति प्रमोद जयसवालले मधेश सरकारले मधेश साक्षरता अभियान संचालन गर्ने जानकारी दिए । मानव बिकास सूचकांक, साक्षतारको अवस्थामा मधेश निकै पछाडी रहेको भन्दै मंत्री जयसवालले मधेशका नागरिक समाज र नागरिकको सहयोगमा शिक्षामा रहेको बेथिति नियन्त्रणकालागि सरकार क्रियाशिल हुने बताए । उनी सबैसग सहयोगको अपिल गर्दै मधेशको शिक्षामा सुधार नहुदा सम्म मधेशको समृद्धिको सपना पुरा नहुने बताए । कार्यक्रममा पूर्व मुख्यमंत्री लालबाबु राउत, पूर्वमन्त्री नागेन्द्र चौधरी पत्रकार चन्द्रकिशोर लगायतले मन्तव्य व्यक्त गरेका थिए । कार्यक्रमको सहजीकरण विश्वविद्यालयका रजिष्ट्रार विजय यादवले र स्वागत डा.हरेराम ठाकुरले गरेका थिए ।