रातोमाटे चेकपोष्टबाट एघार करोडको सुन सहित दुई भारतीय पक्राउ, कारवाहीकालागि राजस्व अनुसन्धान पथलैया पठाइयो

इसीमाना सम्वाददाता २०८१ असोज १९ गते १०: ५६ मा प्रकाशित 227 पटक पढिएको

हेटौंडा । ८ किलो सुन सहित दुई जना भारतीयलाई मकवानपुर प्रहरीले पक्राउ गरेको छ । पक्राउ पर्नेमा भारत महाराष्ट्र राज्य सांगली जिल्ला दिघंची थाना पुजारवाडी बस्ने २५ वर्षिय अभिषेक अजिनाथ कुटी र र २७ वर्षिय राहुल भिट्टिहाल बाड रहेका छन ।

हेटौडा उपमहानगरपालिका वडा नंबर–१५ रातोमाटे चेकपोष्ट स्थित पुर्व पश्चिम सडकखण्डमा सुन सहित दुइ जनालाई प्रहरीले पक्राउ गरेको हो ।

पथलैयाबाट हेटौडातर्फ जादै गरेको बागमती प्रदेश ०२–०४७ प ७५०३ नम्बरको स्कुटरलाई रोकी चेकजाँच गर्ने क्रममा उनीहरु सुन सहित पक्राउ परेका हुन ।

उनीहरुमाथी शंका लागि शरीर तथा स्कुटर समेतको खानतलासी गर्दा निजहरुले आफ्नो शरीरको बिभिन्न भागमा लुकाई छिपाई राखि लगेको बिल बिजक नभएको अबैध भन्सार छलिका सुन बिस्कुटको आकारको ८ थान तौल गर्दा ८ किलो २४३ ग्राम ९७० मिलिग्राम रहेको प्रहरीले जनाएको छ ।

आजको बजार भाउ अनुसार ११ करोड ४३ लाख ५७ हजार ८७८ रुपैया बराबरको सुन फेला परेको जिल्ला प्रहरी कार्यालय मकवानपुरका कार्यालय प्रमुख प्रहरी उपरिक्षक बिश्वराज खडकाले जनाकारी दिए ।

सुन सहित अभिषेक अजिनाथ कुटी र राहुल भिट्टिहाललाई नियन्त्रणमा लिई थप अनुसन्धान तथा कारवाहीको लागी राजश्व अनुसन्धान कार्यालय पथलैया बारा पठाइएको छ ।