वीरगन्ज । पर्साका प्रमुख जिल्ला अधिकारी गणेश अर्यालले कार्यकाल सम्हालेदेखि नै जिल्लाका बिभिन्न सरोरकार समुहसंग सम्वाद गरेका छन ।

उनले समग्र जिल्लाको मनोबिज्ञान बुझ्नकालागि सम्वादबाट आफ्नो कार्य प्रारम्भ गरेको बिशलेषण गरिदै छ । 

उनले पर्साका राजनीतिक दलका नेतृत्वसंग पनि छलफल गरे । छलफलका माध्यमले राजनीतिक दलको नेतृत्वमा रहेका ब्यक्तिहरुको एउटा प्रशासकको संगको अपेक्षा के रहेछ भन्ने उनले बुझ्ने कोशिस गरे । पर्साको समस्याका बारेमा दलका नेताहरुको वास्तविक बुझाईसंग उनले साक्षत्कार गरे । 

राम्रो प्रशसकको छवि बनाएका प्रजिअ अर्यालले पर्साको कार्यकालको शुरुवात पनि राम्रै गरेका छन । बिहानीले दिनको संकेत गर्छ भने झै उनको पर्साको बसाईलाई प्रारम्भमा भएका छलफल सम्वादले सकारात्मक सन्देश भने दिएको छ । 

उनले जिल्लाका संचारकर्मीहरुसंग पनि सम्वाद गरेका छन । सम्वादमा उनले संचार क्षेत्रलाई उच्च प्रथामिकतामा राखेको जनाउ दिए । उनले जिम्मेवार र जावफदेही पत्रकारिताको अपेक्षा समेत गरे ।

उनले अमेरिकाको चर्चित “वाटरगेट काण्ड”को प्रसंग निकालेर पत्रकारिताको तथ्यपूर्ण प्रस्तुतीको शक्तिको बयान पनि गरे । राज्यले चौथो अंगको मान दिएको कुरालाई उनले सगौरब सम्मान गरे ।

उनले पर्साको सन्दर्भमा  सुशासन र सेवा प्रवाहलाई जनताले अनुभूती गर्नेगरि रुपान्तरणको प्रतिवद्धता गरे । त्यसका लागि रणनीति तय भइरहेको उनले सुनाए ।

उनले लेखापढीको आवरणमा हुने दलालीलाई निरुत्साहित पार्ने योजना सुनाए ।  अनुसार जिल्ला प्रशासनमा आएर लेखापढीको आवरण दलाली हुने गरेको उनको ठम्याई छ । आफ्नो कार्यकालमा पर्सामा त्यो काम गर्ने वातावरणको अन्त्य गर्ने उनले बचन दिए ।

राहदानी र राष्ट्रीय परिचयपत्रको फर्म भर्ने सेवा  जिल्ला प्रशासन कार्यालय पर्साको परिसर भित्रै निशुल्क रुपमा उपलब्ध गराउने आफनो योजना सुनाए । उनले राहदानी र राष्ट्रीय परिचय पत्र भर्ने लगायतका काममा हुने दलाली सहन गर्न नसकिने बताए । 

आफ्नो नेतृत्वको सुरक्षा समितिले नै जिल्लामा सुशासनका क्षेत्रमा प्रभावकारी ढंगले काम अठोट लिएको सिडिओ अर्यालको भनाइ छ ।

उनका अनुसार यसअघि बसेका जिल्लाहरुमा उत्कृष्ट काम गरेकै कारणले उत्कृष्ट कर्मचारीको सम्मान पाएको हुँ ।‘यो जिल्लामा हरेक हिसाबले उत्कृष्ट काम गरेर देखाउँनेछु,’ उनले भने ।

 जिल्ला प्रशासन कार्यालयमा बुधबार राखिएको भेटघाटमा सिडिओ अर्यालले आफ्नो कार्यकालमा खासगरी तीनवटा काममा सुधार ल्याउने योजना रहेको सुनाए ।

पहिलो, सिडिओ कार्यालयभित्र राखिएको नागरिक वडापत्र पढेर बुझ्ने कति नागरिक छन् ? त्यसको अर्को फ्रेम बनाउने काम गर्छु । दोस्रोमा, दलालीको कामको अन्त्य गर्ने अघि नै भनिसकेको छु, यो गर्छु । र, तेस्रोमा भने सेवा प्रवाहमा कुनै आनाकानी नहुने गरी सरकारी काम गर्नेछु ।

पत्रकारहरुसंगको भेटघाटमा प्रजिअ अर्यालले समाजको विकृतिका कुरा उठान गरेसंगै सकारात्मक कुराहरु पनि उठान गरिदिन आग्रह गरे ।

सकारात्मक समाचार प्रकाशन गरेमा सबैलाई काम गर्ने हौसल्ला मिल्ने भएकोले त्यो ध्यानमा राखेर सहयोग गरिदिनहुन सिडिओ अर्यालको भनाइ छ । 

तर समाजमा समाचारको महत्व धेरै हुने भएकाले कसैको बारेमा केही लेख्दा सम्बन्धित व्यक्तिसंग प्रतिक्रिया लिएर राखिदिनुहुन समेत अनुरोध गरेका थिए ।