नेपालले चीनविरुद्ध कुनै पनि गतिविधिका लागि आफ्नो भूमि प्रयोग हुन दिदैनः सभापति देउवा
काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवाले नेपालले चीनविरुद्ध कुनै पनि गतिविधिका लागि आफ्नो भूमि प्रयोग हुन नदिने स्पष्ट पारेका छन् ।
सोमबार काठमाडौंमा आयोजित एक कार्यक्रमलाई सम्बोधन गर्दै देउवाले नेपाल एक चीन नीतिमा अडिग रहेको बताएका हुन् । उनले भने, ‘नेपालको भूमि चीनको खिलाफ प्रयोग हुन दिइने छैन।’
कार्यक्रममा सभापति देउवाले चीनले नेपालको पूर्वाधार विकास, व्यापार, पर्यटन, संस्कृति, जलवायु परिवर्तन र वातावरणीय संरक्षणका क्षेत्रमा निरन्तर सहयोग गर्दै आएको उल्लेख गरे।
‘म विश्वास गर्छु, चीनले आगामी दिनमा पनि नेपालको विकासमा थप सहयोग गर्नेछ,’ उनले भने, ‘आजको यो फोटो प्रदर्शनीले चीनसँगको सम्बन्धलाई अझ बलियो बनाउनेछ र दुई देशबीचको सम्बन्धलाई नयाँ उचाइमा पुर्याउनेछ।’
देउवाले नेपाल–चीन सम्बन्ध समानता, पारस्परिक हित र शान्तिपूर्ण सहअस्तित्वमा आधारित रहेको बताए । साथै, दुई देशबीचको सांस्कृतिक र शैक्षिक सम्बन्धलाई अझ सुदृढ बनाउने र जनस्तरसम्मको सहकार्यलाई प्रवर्द्धन गर्नेतर्फ ध्यान केन्द्रित गर्नुपर्ने धारणा राखे ।
‘नेपालले स्पष्ट रूपमा चीनसँगको मित्रता र चाइना पोलिसीलाई कायम राखेको छ,’ देउवाले भने, ‘म मित्रराष्ट्र चीनविरुद्ध नेपालको भूमि प्रयोग नहुने विश्वास दिलाउन चाहन्छु।
’ उनले नेपाल–चीन सम्बन्ध परापूर्वकालदेखि नै अटल, अमर र आपसी विश्वासमा आधारित रहेको पनि स्मरण गरे ।
सम्बन्धित शीर्षकहरु
सीमापारी/अन्तराष्ट्रिय
भारतको अप्रेशन सिन्दुर,पाकिस्तान नियन्त्रित नौ स्थानमा मिसाइल आक्रमण
वीरगंज। भारतले बुधबार पाकिस्तान र पाकिस्तान नियन्त्रित कश्मीर (पीओके) मा रहेको ‘आतङ्कवादी केन्द्रहरु’ नौ स्थानमा हमला गरेको घोषणा गरेको छ ।
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
शसस्त्र प्रहरीमा एआइजी बढुवा प्रकरण “बोल्नेको पिठो बिक्ने नवोल्नेको चामल नबिक्ने ”उखाँन चरितार्थ गर्ने कोशीस जारी
वीरगंज । सशस्त्र प्रहरीमा एआइजी बढुवामा ठुलो चलखेलको आशंका बढेको छ । सीमा सुरक्षा विभागमा कार्यरत एआईजी चन्द्रप्रकाश गौतम वैशाख २ गते अनिवार्य अवकाश भएका थिए।
आँखादान मानवीय कर्तव्य होः महानगरप्रमुख सिंह
वीरगंज । “ दृष्टिविहीनका लागि दृष्टि”भन्ने नाराका साथ वीरगंज महानगरपालिकाको सहकार्यमा तेरापंथ युवक परिषद् वीरगंजले जनजागृत कार्यक्रम सञ्चालन गरेको छ।
खेलकुद
अखिल नेपाल फुटबल संघको साधारण सभामा पूर्व अध्यक्ष गणेश थापालाई रोक
धुलिखेल । अखिल नेपाल फुटबल संघ(एन्फा) आफ्ना पूर्व अध्यक्ष गणेश थापालाई साधारण सभामा सहभागी हुन बाट रोक लगाएको छ।
तपाईको प्रतिक्रिया