प्रमाणपत्र मात्र सफलता प्राप्त गर्न पर्याप्त हुदैनः पूर्वराज्यमन्त्री अन्सारी
वीरगञ्ज । सफलताको लागि किताबी ज्ञान मात्र पर्याप्त नहुने भन्दै व्यवहारिक ज्ञान र व्यक्तित्व विकासका सीपहरू आवश्यक हुनेमा वक्ताहरूले जोड दिएका छन्।
वीरगञ्ज कलेजले बीबीएस प्रथम वर्षका विद्यार्थीका लागि आयोजना गरेको “सञ्चार, आत्मविश्वास र सहकार्य” सम्बन्धी “सफ्ट स्कील” तालिमको उद्घाटन कार्यक्रममा सहभागी वक्ताहरूले यस्तो धारणा राखेका हुन्।
होटल भिस्वामा आयोजित कार्यक्रममा बोल्दै मधेस प्रदेशका पूर्वराज्यमन्त्री तथा प्रदेशसभा सदस्य रहबर अन्सारीले प्रमाणपत्र मात्र सफलता प्राप्त गर्न पर्याप्त नहुने भन्दै व्यक्तिका व्यक्तिगत गुण, सामाजिक व्यवहार, सञ्चार क्षमता र सहकार्य गर्ने सीपहरू अनिवार्य हुने बताए।
कलेज सञ्चालक समिति अध्यक्ष डा. दिपेन्द्र कुमार चौधरीले व्यक्तिगत गुण, सञ्चार शैली र सहकार्य क्षमताको विकास युवाहरूका लागि दीर्घकालीन सफलता प्राप्त गर्ने माध्यम हुने उल्लेख गर्दै, यस्ता तालिमहरू व्यवहारिक जीवनमा अत्यन्त उपयोगी हुने बताए।
नेपाल पत्रकार महासंघका केन्द्रीय लेखा समिति संयोजक के.सी .लामिछानेले तालिममार्फत ज्ञान र सीप मात्र नभई सही सूचना प्राप्त गर्न पनि विद्यार्थी सक्षम बन्नुपर्ने बताए।
उनले सञ्चार सीपहरू विद्यार्थीको आत्मविश्वास बढाउने, स्पष्ट प्रस्तुति दिन सक्ने र निर्णय क्षमता विकास गर्ने उपाय भएको बताए। उनले संञ्चारसीप गुणात्मक बनाउकालागि सहि सूचनाको आवश्यकतामा जोड दिए ।
कार्यक्रममा वीरगञ्ज महानगरपालिकाका प्रमुख प्रशासकीय अधिकृत अरविन्दलाल कर्ण, नेपाल पत्रकार महासंघ पर्साका अध्यक्ष ओमप्रकाश खनाल, वीरगञ्ज उद्योग वाणिज्य संघका अध्यक्ष हरि गौतम, प्याब्सनका सल्लाहकार प्रकाश उपाध्याय लगायतले शुभकामना मन्तव्य व्यक्त गरेका थिए।
कार्यक्रमको स्वागत भाषण कलेजका प्रशासन प्रमुख सुरेश चौधरीले गरेका थिए भने कार्यक्रममा सहायक क्याम्पस प्रमुख रुदल ठाकुर, कलेजका शिक्षक, विद्यार्थी र सञ्चारकर्मीहरूको उपस्थिति रहेको थियो।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सुशासन र पारदर्शीता नचाहने प्रमुख प्रशासकीय अधिकृत यादवलाई बिभागीय कारवाहीको सिफारिश सहित आयोगले डाम्यो
वीरगञ्ज । पारदर्शीताको पक्षमा नरहेका सुशासनको प्रत्याभूती गर्न नचाहने एक जना अधिकृतलाई राष्ट्रिय सूचना आयोगले डामेको छ । पर्साको जगन्नाथपुर गाउँपालिकाका प्रमुख प्रशासकीय अधिकृत सन्देशकुमार यादवलाई १६ हजार जरिवाना गरेर आयोगले डामेको हो ।
आत्मदाह प्रयास पछि गम्भिर घाइते भएका सर्लाहीको गोडैताका मण्डलको मृत्यु
हरिवन । आत्मदाह प्रयासपछि गम्भीर घाइते भएका सर्लाहीको गोडैता नगरपालिकाका २५ वर्षीय विवेक मण्डलको उपचारकै क्रममा मृत्यु भएको छ ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया