सोनलले लिए मुख्यमन्त्रीको शपथ, सभामुख सहित विपक्षी दलहरू अनुपस्थित
जनकपुरधाम । लोकतान्त्रिक समाजवादी पार्टी (लोसपा)का नेता जितेन्द्र प्रसाद सोनलले बिहिवार मधेश प्रदेशका चौथो मुख्यमन्त्रीका रूपमा पद तथा गोपनीयताको शपथग्रहण गरेका छन्।
प्रदेश प्रमुख सुमित्रा सुवेदी भण्डारीले शपथ गराएको समारोहमा प्रमुख प्रतिपक्षी दल नेकपा एमाले र नेपाली कांग्रेसका शीर्ष नेताहरू अनुपस्थित रहे।
प्रदेश सभाका सभामुख रामचन्द्र मण्डलसहित विपक्षी दलका प्रमुख नेताहरू उपस्थित नभएकाले यसलाई नयाँ गठबन्धनप्रति असन्तुष्टि वा ‘राजनीतिक बहिष्कार’का रूपमा हेरिएको छ।
शपथलगत्तै मुख्यमन्त्री सोनलले दुई जना विना विभागीय मन्त्रीहरूलाई पनि शपथ गराए।
जनमत दलका नेता महेशप्रसाद यादव र नेकपा (एकीकृत समाजवादी)का कनिश पटेलले मन्त्रीको शपथ लिए पनि उनीहरूलाई अहिलेसम्म कुनै विभागीय जिम्मेवारी तोकिएको छैन।
सोनल नेतृत्वको सरकारमा सहभागी हुने निर्णय गरे पनि जनता समाजवादी पार्टी (जसपा) नेपाल र नेकपा (माओवादी केन्द्र)ले मन्त्रीको नामावली नपठाएकाले पहिलो चरणको मन्त्रिपरिषद् सानो आकारमा सीमित भएको हो।
दलहरूबीच मन्त्रालय बाँडफाँटबारे संरचनागत सहमति त भएको छ, तर कुन दलले कुन मन्त्रालय लिने भन्ने विषयमा अन्तिम टुंगो अझै लागेको छैन। सोनललाई समर्थन गर्ने गठबन्धनमा जसपा नेपाल १९ सिटसहितको सबैभन्दा ठूलो दल हो।
राजनीतिक विश्लेषकहरूका अनुसार, प्रमुख विपक्षी दलहरूको अनुपस्थिति र गठबन्धन दलहरूकै ढिलासुस्तीले सोनल सरकारको सुरुवाती यात्रा चुनौतीपूर्ण बन्ने संकेत देखिएको छ।
मधेशको सत्ता समीकरण फेरिए पनि स्थायित्व र सहकार्य कति टिक्छ भन्ने विषयमा अहिले प्रदेश राजनीतिक वृत्तमा चासो र अनिश्चितता दुवै देखिएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
सुशासन र पारदर्शीता नचाहने प्रमुख प्रशासकीय अधिकृत यादवलाई बिभागीय कारवाहीको सिफारिश सहित आयोगले डाम्यो
वीरगञ्ज । पारदर्शीताको पक्षमा नरहेका सुशासनको प्रत्याभूती गर्न नचाहने एक जना अधिकृतलाई राष्ट्रिय सूचना आयोगले डामेको छ । पर्साको जगन्नाथपुर गाउँपालिकाका प्रमुख प्रशासकीय अधिकृत सन्देशकुमार यादवलाई १६ हजार जरिवाना गरेर आयोगले डामेको हो ।
आत्मदाह प्रयास पछि गम्भिर घाइते भएका सर्लाहीको गोडैताका मण्डलको मृत्यु
हरिवन । आत्मदाह प्रयासपछि गम्भीर घाइते भएका सर्लाहीको गोडैता नगरपालिकाका २५ वर्षीय विवेक मण्डलको उपचारकै क्रममा मृत्यु भएको छ ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया