२५ दिनमै ढल्यो सोनल सरकार , दुई सांसदको बिद्रोहपछि मुख्यमन्त्रीको राजीनामा घोषणा
जनकपुरधाम । मधेश प्रदेशको जीतेन्द्र सोनल नेतृत्वको सरकार गठन भएको २५ दिनमै पतन भएको छ। गठबन्धनसँग विश्वासको मत प्राप्त गर्ने पर्याप्त संख्या रहे पनि, आफ्नै पक्षका दुई सांसदको बिद्रोहपछि सरकार अल्पमतमा परेको हो। यससँगै मुख्यमन्त्री सोनलले आजै प्रदेश प्रमुखसमक्ष राजीनामा बुझाउने घोषणा गरेका छन्।
विश्वासको मतका लागि बसेको प्रदेशसभा बैठकमा नेकपा (माओवादी केन्द्र) का सांसद रहबर अन्सारी र माला कर्णले सरकारलाई समर्थन नगर्ने घोषणा गरेपछि सत्ता समीकरण भत्किएको हो।
उनीहरूको असहमतिको कारण सोनल पक्षमा रहेका सांसदको संख्या घटेर ५२ मा सीमित भयो। यसपछि मुख्यमन्त्री सोनल राजीनामा दिन बाध्य भएका हुन्।
बैठकको सुरुवातमा विश्वासको मतका लागि प्रस्ताव प्रस्तुत गर्दै सोनलले गठबन्धन एकताबद्ध रहेको दाबी गरेका थिए।
तर छलफलका क्रममा सांसद रहबर अन्सारीले सरकारमाथि भ्रष्टाचार र निष्क्रियताको आरोप लगाउँदै समर्थन नदिने चेतावनी दिए। त्यसपछि माला कर्णले पनि दलको आधिकारिक निर्णय विपरीत सरकारलाई विश्वासको मत नदिने घोषणा गरिन्।
अन्सारी र कर्णको बिद्रोहपछि बैठकमा तनावपूर्ण स्थिति उत्पन्न भयो। सभामुख रामचन्द्र मण्डलले मत विभाजनको तयारी गरे पनि सत्तापक्षले सरकारको अनुपस्थितिमा सदन सञ्चालन नमिल्ने भन्दै आपत्ति जनायो।
वादविवादकै बीच सभामुखले बैठक स्थगित गरे पनि पुनः मत विभाजन अघि बढाउने आदेश दिएपछि स्थिति झन् जटिल बन्यो।
त्यसपछि मुख्यमन्त्री सोनलले सभामुखमाथि पक्षपातपूर्ण गतिविधिको आरोप लगाउँदै सभामै राजीनामाको घोषणा गरे। उनले संघीयता र प्रदेशसभामाथि आक्रमणको प्रयास भइरहेको भन्दै विरोध पनि जनाए।
स्रोतका अनुसार सत्तापक्षले अहिले पनि माओवादी सांसदहरूसँग पुनः सहकार्य गरेर पुनः सरकार गठन गर्ने रणनीति बनाइरहेको छ। यससँगै मधेश प्रदेशमा फेरि सत्ता समीकरणको नयाँ खेल सुरु भएको छ।
गत आश्विन२९ गते मुख्यमन्त्री नियुक्त भएका सोनलले भोलिपल्ट आश्विन ३० गते पद तथा गोपनीयताको सपथ ग्रहण गरेका थिए। २५ दिनमै उनको सरकार पतन भएको हो, जसले मधेश प्रदेशको राजनीतिक अस्थिरतालाई पुनः उजागर गरेको छ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया