मधेश प्रदेशको नयाँ मुख्यमन्त्रीमा पहिलो पटक नेपाली कांग्रेसका यादव नियुक्त,आइतबार शपथग्रहण गर्ने
जनकपुर ।मधेश प्रदेशको नयाँ मुख्यमन्त्रीमा नेपाली कांग्रेस संसदीय दलका नेता कृष्णप्रसाद यादव नियुक्त भएका छन्। संविधानको धारा १६८(२) बमोजिम प्रदेश प्रमुख सुरेन्द्र लाभले उनलाई मुख्यमन्त्रीमा नियुक्त गरेका हुन्।
६ दलीय गठबन्धनका ७७ जना सांसदको हस्ताक्षरसहित यादवले बहुमतको दाबी पेश गरेका थिए। योसँगै मधेश प्रदेशले छैटौं मुख्यमन्त्री पाएको छ । साथै नेपाली कांग्रेसले प्रदेशमा पहिलोपटक मुख्यमन्त्री पद हासिल गरेको हो।
यसअघि मधेश प्रदेशमा जसपाका लालबाबु राउत, त्यसपछि सरोजकुमार यादव, जनमत पार्टीका सतिशकुमार सिंह, लोसपाका जितेन्द्र सोनाल र नेकपा एमालेका सरोज यादव क्रमशः मुख्यमन्त्री बनेका थिए।
नेकपा एमालेका सरोज यादवलाई तत्कालीन प्रदेश प्रमुखले होटलमै शपथ गराएको विषय विवाद र आलोचनाको विषय बनेको थियो।
पछि सर्वोच्च अदालतले २४ घण्टाभित्र विश्वासको मत लिन आदेश दिएको थियो। विश्वासको मत जुटाउन नसकेपछि उनी पदभार सम्हालेको २६ दिनमै राजीनामा दिन बाध्य भएका थिए।
मधेस प्रदेशका नवनियुक्त मुख्यमन्त्री कृष्णा यादवले आफ्नो शपथग्रहणको मिति तय गरेका छन्।
कांग्रेसका एक सांसदका अनुसार ६ दलीय गठबन्धनको सुझावअनुसार यादवले आइतबार बिहान ११ बजे शपथग्रहण गर्ने कार्यक्रम तय गरिएको हो।
गठबन्धनका सबै दलले आइतबार शपथग्रहण गर्ने दिएको सुझाव अनुसार शपथग्रहणको कार्यक्रम तय गरिएको हो ।
नयाँ नियुक्तीसँगै मधेश प्रदेशमा नयाँ सरकारको कार्यसम्पादन औपचारिक रूपमा सुरु भएको छ।
मुख्यमन्त्री यादवले अब प्रशासनिक सुधार, विकास र सुशासनलाई प्राथमिकता दिँदै सरकार सञ्चालन गर्ने अपेक्षा गरिएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
महानगरको कार्यवाहक प्रमुखमा आलम, कर्मचारीले गरे राहतको अनुभव
वीरगञ्ज । वीरगञ्ज महानगरपालिकाका उपप्रमुख इम्तियाज आलमले कार्यवाहक नगरप्रमुखको जिम्मेवारी सम्हालेका छन ।
बिग्रिएको एक इभी हाइसले ठक्कर दिँदा ५५ वर्षीया महिलाको ज्यान गयो
सर्लाही । सर्लाहीको बागमतीमा आइतबार बिहान बिग्रिएको एक इभी हाइसले ठक्कर दिँदा एक महिलाको घटनास्थलमै मृत्यु भएको छ । अर्की एक महिला गम्भीर घाइते भएकी छिन्।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया