पर्सामा एमाले प्रवेश गरेको छैन भनेर गीत गाउनेहरुले पाए टिकट, रैथानेहरु अन्यौलमा, नेतृत्व हुतीहारा भएको भन्दै आलोचना शुरु
वीरगन्ज । नेकपा एमालेले पर्सा जिल्लामा आसन्न प्रतिनिधि सभा निर्वाचनका लागि चारै निर्वाचन क्षेत्रमा उम्मेदवार तय गरेको छ। यसपटक पार्टीले नवप्रवेशी नेताहरुलाई टिकट दिएपछि स्थानीय स्तरमा चर्चा र आलोचना दुवै बढेको छ।
पर्सा क्षेत्र नम्बर–१ बाट एमालेले प्रदीप यादवलाई उम्मेदवार बनाएको छ। एमालेका केन्द्रीय सदस्य विजय सरावगीका अनुसार सोमबार पार्टीले पर्साका सबै उम्मेदवारको अन्तिम निर्णय गरेको हो।
पूर्वमन्त्रीसमेत रहेका यादव हिजो सम्म जसपा नेपालका केन्द्रीय समिति सदस्य थिए। उनी सोमबार राति जसपा परित्याग गर्दै एमाले प्रवेश गरेका हुन्। यादव एमालेसंगको गठबन्धनबाट यही क्षेत्रबाट अघिल्लो प्रतिनिधि सभा निर्वाचनमा विजयी भएका थिए।
त्यसैगरी पर्सा क्षेत्र नम्बर–२ बाट रिमा यादवलाई उम्मेदवार बनाइएको छ। पार्टी स्रोतका अनुसार उनी कुनै पनि तहको औपचारिक सिफारिसबिना उम्मेदवार बनेकी हुन्।
उनी बिशुद्ध गृहणी भएको बताइएको छ । क्षेत्र नम्बर–३ बाट रुपेश पाण्डेलाई टिकट दिइएको छ। पाण्डे अस्ती सम्म नेकपा एमाले प्रवेश गरेको छैन र होइन भन्दै थिए ।
उनको नाम पनि औपचारिक रुपमा सिफारिशमा नपरेको एमाले स्रोतले जनाएको छ ।
पर्सा क्षेत्र नम्बर–४ बाट भने जिल्ला तहबाट सिफारिस भएका जालिम मियाँलाई उम्मेदवार बनाइएको केन्द्रीय सदस्य सरावगीले जानकारी दिए। यद्धपी जालीम मिया पनि गएको प्रतिनिधि सभा भन्दा अगाडि एमाले प्रवेश गरेका नेता हुन ।
यसैबीच, पार्टीका क्षेत्र, जिल्ला र प्रदेश कमिटीको सिफारिसलाई बेवास्ता गर्दै टिकट वितरण गरिएको भन्दै एमालेभित्रै तीव्र असन्तुष्टि देखिएको छ।
कार्यकर्ताहरूले संगठनको निर्णयभन्दा बाहिरका व्यक्तिलाई उम्मेदवार बनाइएको आरोप लगाएका छन्।
एमालेका पूर्व केन्द्रीय सदस्य अरबिन्द सिंहले टिकट वितरण प्रक्रियामाथि गम्भीर प्रश्न उठाएका छन्। उनका अनुसार सिफारिसका नाममा गरिएको प्रतिस्पर्धा औपचारिकता मात्रै भएको छ।
“गाउँ–गाउँसम्म फैलिएको संगठनले जित्ने सम्भावना भएका व्यक्तिको सिफारिस गरेको हुन्छ, तर यहाँ मनपरी ढंगले टिकट बाँडिएको छ,” उनले भने, “यो पार्टीको हितमा छैन।”
पर्सामा देखिएको यो असन्तुष्टिले आगामी निर्वाचनमा एमालेको आन्तरिक एकतामाथि असर पार्न सक्ने नेताहरूको चिन्ता छ। पार्टीको स्थनीय नेतृत्वलाई कर्याकर्ताहरुले “हुतिहाराको”संज्ञा दिएका छन ।
पार्टीको केन्द्रीय सदस्य हुने जिलला अध्यक्ष पदाधिकारी हुने तर निर्वाचन लडने आँट र हुती नहुने भन्दै नतारुलाई सामाजिक संजाल मार्फत “टिकट बेचुवा”को आरोप लगाइएको छ । हुतीहाराहरुले पद ओगटने चुनाव लड्ने आँट नगर्ने हो भने तुरुन्त पद छोड्नु पर्ने आवाज उठन थालेको छ ,।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया