वीरगंज । नेपाली कांग्रेसका नेता अजय कुमार द्विवेदीले पद, सत्ता र स्वार्थका लागि गरिने राजनीति क्षणिक हुन्छ र एकदिन अवश्य सिद्धिने बताएका छन ।

उनले सिद्धान्त, मूल्य र लोकतान्त्रिक आस्थाका लागि गरिने राजनीति कहिल्यै समाप्त नहुने उल्लेख गरेका छन । बिचारधारत्मक आन्दोलनबाट आएको ब्यक्तिका बारेमा ब्यक्त बिभिन्न धारणाको जवाफ दिदै द्विवेदीले यस्तो लेखेका हुन ।

उनले आफनो सामाजिक संजाल फेसबुकमा भावनात्मक स्टाटस लेख्दै आफू कुनै सेटिङ्गको प्रभावमा नपरेको र आफनो राजनीतिक जीवन समेत समाप्त नभएको उल्लेख गरेका छन । भलै उनले आफूले टिकट नपाएकोमा सामान्य आश्चर्य लागेको भने उल्लेख गरेका छन । 

जिल्लामा राजनीतिक साख, पार्टीभित्र बलियो संगठन र निर्वाचन क्षेत्रमा निरन्तर सहकार्य हुँदाहुँदै पनि नेपाली काँग्रेसले यसपटक मलाई उम्मेदवार नबनाएको निर्णयले क्षणिक रूपमा आश्चर्य त पक्कै गरायो उनले लेखेका छन ।

तर देश र पार्टीभित्र पुस्तान्तरण, नवीकरण र परिवर्तनका लागि उठिरहेका आवाजहरूलाई गहिराइका साथ सुन्दा, योपटक पछि हट्ने निर्णय समयको मागसँग मेल खान्छ भन्ने अनुभूति पनि भएको छ भन्दै पार्टीको निर्णयलाई सम्मान गरेका छन । 

त्यती मात्र होइन नेता द्विवेदीले पार्टीको आधिकारिक उम्मेदवारको सन्दर्भमा स्पष्ट पार्दै अनिलजी र आफु राजनीतिक यात्राका मात्र होइन, जीवनका पनि पुराना साथी हौँ। पार्टीले उहाँलाई जिम्मेवारी सुम्पिएसँगै, मेरा तर्फबाट हुन सक्ने सम्पूर्ण सहयोग निस्वार्थ भावले रहनेछ।

व्यक्ति होइन, पार्टी र विचार हाम्रो केन्द्र हो भनेर नेपाली कांग्रेस भित्र द्वण्द्व हुने र त्यसबाट फाइदा लिने सपना बोकेकाहरुको सपना भने चक्नाचुर पारिदिएका छन । 

उनले म ११ वर्षको उमेरमा नेपाल विद्यार्थी संघ हुँदै नेपाली काँग्रेसको राजनीतिमा प्रवेश गरेको मान्छे हुँ। कहिले प्रशासनले ठूलोबुवालाई थुन्ने, कहिले मार्ने धम्की दिँदै हाम्रो परिवारलाई त्रसित बनाएको ती दिनहरू मैले बिर्सिएको छैन।

त्यही परिस्थितिबाट आएको त्यो ठिटोलाई कुनै संसद् भवनले लोभ्याउँछ भन्ने कल्पना आफैंमा हास्यास्पद भएको उनले लेखेका छन । उनले यसरी लेखेर उनका बिषयमा हुदै आएका उडन्ते तर्कहरुलाई खारेज गरिदिएका छन । 

उनले अन्तिममा लेखेका छन ,पद, सत्ता र स्वार्थका लागि गरिने राजनीति क्षणिक हुन्छ र एकदिन अवश्य सिद्धिन्छ। तर सिद्धान्त, मूल्य र लोकतान्त्रिक आस्थाका लागि गरिने राजनीति कहिल्यै समाप्त हुँदैन। हामी सत्ता होइन, विचारका लागि लड्ने मान्छे हौँ— र यो लडाइँ अन्तिम श्वाससम्म निरन्तर चलिरहनेछ।