नागरिक पत्रिकामा तालाबन्दीको घोषणा, महासङ्घले आन्दोलन कडा बनाउने
काठमाडौँ । नेपाल रिपब्लिक मिडियाद्वारा प्रकाशित नागरिक दैनिकविरुद्ध नेपाल पत्रकार महासङ्घको केन्द्रीय नेतृत्वले तालाबन्दीको कार्यक्रम घोषणा गरेको छ।
पीडित पत्रकार तथा कर्मचारीको मागप्रति व्यवस्थापनले बेवास्ता गरेपछि आन्दोलनलाई थप सशक्त बनाउने निर्णय गरिएको हो।
शुक्रबार महासङ्घको कार्यालयमा बसेको सरोकारवालाहरूको बैठकले लगातार पाँच दिनसम्म शान्तिपूर्ण धर्ना दिँदा पनि कुनै सुनुवाइ नभएकाले अब तालाबन्दी अनिवार्य भएको निष्कर्ष निकालेको छ। बैठकले आवश्यक परे चरणबद्ध रूपमा अझ कडा कार्यक्रम सार्वजनिक गर्ने निर्णयसमेत गरेको छ।
संस्थाको स्थापनाकालदेखि करिब १७ वर्षसम्म सेवा गरेका पत्रकार तथा कर्मचारीहरूले श्रम ऐन २०७४, श्रम नियमावली २०७५ र श्रमजीवी पत्रकार ऐनले तोकेको न्यूनतम पारिश्रमिक तथा सेवासुविधा नपाएको भन्दै लामो समयदेखि आन्दोलन गर्दै आएका छन्। तर पत्रिकाका साहू र सम्पादकले समस्या समाधानमा चासो नदेखाएको आरोप पीडित पक्षको छ।
नेपाल पत्रकार महासङ्घ, नागरिक शाखाका अध्यक्ष रघुनाथ लामिछानेले कम्पनीले समस्या समाधान नगरेसम्म आन्दोलनबाट पछि नहट्ने स्पष्ट पारे। उनका अनुसार कर्मचारीका जायज माग सम्बोधन नगरे थप सशक्त कार्यक्रम घोषणा गरिनेछ।
पीडित पत्रकारहरूले कोभिड–१९ को बहानामा करिब ४३ महिनासम्म ५० देखि ७५ प्रतिशत तलब कटौती गरिएको, सरकारले पत्रकारका लागि १ प्रतिशत ब्याजमा दिएको १९ करोड रुपैयाँ कर्मचारीलाई नदिई अन्यत्र प्रयोग गरिएको आरोप लगाएका छन्।
बैठकमा नेपाल प्रेस युनियनकी उपाध्यक्ष सलोजा दाहालले उक्त रकम दुरुपयोग गरिएको भए साहूहरूविरुद्ध ठगी मुद्दा दर्ता हुनुपर्ने धारणा राखिन्। प्रेस चौतारी नेपालका सचिव विष्णु तारुकेले समयसीमा तोकेर अल्टिमेटम दिँदै आन्दोलन चर्काउनुको विकल्प नरहेको बताए।
कर्मचारीका अनुसार नियमित तलब नदिने, चाडपर्व खर्च, औषधोपचार, सामाजिक सुरक्षा, उपदानलगायत वैधानिक सुविधा नदिने तथा सञ्चय कोषको रकमसमेत दुरुपयोग गरिएको छ। श्रम कार्यालय र श्रम अदालतका निर्णयहरू कार्यान्वयन नगरेर कम्पनीले कानुनी राज्यको उपहास गरेको आरोप पनि उनीहरूको छ।
पब्लिक कम्पनी भएर पनि श्रमिकको अधिकारमाथि निरन्तर प्रहार गरिएको भन्दै विभिन्न संस्थाका प्रतिनिधिले यस्तो प्रवृत्ति तत्काल रोक्न कम्पनी व्यवस्थापनलाई चेतावनी दिएका छन्।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
गादी साझेदारी वन समूहका अध्यक्ष गद्दीले अवैध रुपमा काठ बेचेको आरोप राजीनामा माग्दै प्रर्दशन
वीरगंज । पर्साको गादीमाई साझेदारी वन उपभोक्ता समूहका अध्यक्ष सहरुम राउत गद्दीको राजीनामा माग्दै स्थानीय बासिन्दाले बसन्तपुर सब–डिभिजन वन कार्यालय घेराउ गरेका छन्।
पर्सामा मतदान प्रतिशत उच्च रहेको प्रराम्भिक अनुमान, यकिन बिवरण आउन केही समय लाग्ने
वीरगञ्ज । प्रतिनिधि सभाको निर्वाचनमा पर्सा जिल्लामा ६५ प्रतिशत मत खसेको प्रारम्भिक अनुमान गरिएको छ ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया