बीरगंज महानगरसंग लामखुट्टे नियन्त्रणको माग गर्दै धर्ना र प्रर्दशन

3/11/2018 गते 00 00 मा प्रकाशित 1263 पटक पढिएको

वीरगञ्ज २७ फागुन । नेपाली कांग्रेस पर्साको १ नम्बर क्षेत्रीय समितिको नगरपालिका प्राङगणमा धर्ना दियो । बीरगंजको बाइपासमा सडक जाम गरेर प्रर्दशन भए ।

बिगतका वर्षहरुमा फागुनको पहिलो साता देखी नै लामखुट्टे नियन्त्रणकालागि महानगरले औषधी छर्ने काम गथ्र्यो । यस पटक त्यस्तो भएन । नगर नेतृत्वले बिस्र्यो कि भन्ने लागेर बिपक्षीदल धर्नामा उत्रिनु प¥यो ।

गर्मी बढेसँगै वीरगञ्ज महानगरपालिकामा लामखुट्टेको पनि बढ्यो त्यसलाई नियन्त्रण गर्न माग गर्दै धर्ना र प्रर्दशनहरु भए ।

लामखुट्टे नियन्त्रणको माग गर्दै नेपाली कांग्रेस क्षेत्रीय समितिले आइतबार वीरगञ्जमा बिहान साढे ११ बजे देखि दिउँसो साढे १२ बजे सम्म एक घण्टा धर्ना दिएको हो ।

धुलो र लामखुटटेको समस्याले गर्दा बीरगंजका स्थानीयहरुले बाईपास सडक खण्डमा टायर बाली बिरोध प्रदर्शन गरे । धुलो र लामखुटटे कै कारणले गर्दा दिनहुं स्थानीयहरु बिरामी हुन थालेको भन्दै उनीहरुलेले चक्का जाम गरी बिरगंज महानगर पालिकाको ध्यानाकर्षण गराएका हुन ।

कांग्रेस क्षेत्रीय समितिले विभिन्न माग राखेर वीरगञ्ज महानगरपालिकाका मेयर विजयकुमार सरावगीलाई ज्ञापनपत्र समेत बुझाएको छ । ज्ञापनपत्रमा छिटोभन्दा छिटो लामखुट्टे नियन्त्रण गर्नुपर्ने, ट्राफिक र फोहोर व्यवस्थापन गर्नुपर्ने माग राखिएको छ ।

ज्ञापनपत्रमा लामखुट्टेले नगरवासीले सास्ती भोगिरहेका छन् महानगरलाई वास्तै छैन, ई रिक्सा अत्याधिक भएर नगरमा जाम बढेको छ व्यवस्थित नगरिएकोमा नेपाली कांग्रेसले ज्ञापन मार्फत चिन्ता ब्यक्त गरेको छ ।

यता,वीरगञ्ज महानगरपालिका कार्यालयले भने लामखुट्टे नियन्त्रणका लागि काम शुरु भइसकेको जनाएको छ ।कार्यालयका अनुसार शुक्रबारबाटै लामखुट्टे नियन्त्रणका लागि औषधि छर्ने काम शुरु भइसकेको हो ।महानगरले औषधि भनेपनि लामखुट्टे नियन्त्रणका लागि ‘मालाथिन’ नामक औषधि छर्ने चलन छ ।

महानगरपालिकाका सरसफाइ शाखाका प्रमुख अधिकृत राज ताम्राकारले ‘विगतका वर्षहरुमा भन्दा केहि ढिला भएकै स्वीकार गरे ।एकदुई दिनमै सबै वडामा समान वितरण गरेर नालामा स्प्रे र फगिङ गरिने उनको भनाइ छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।