भदौ १७ गते जनकपुरस्थित प्रदेश निर्वाचन कार्यालय पुगेर दुबैजना एकीकृत समाजवादीको पक्षमा रहेका ११ प्रदेश सभा सदस्यले सनाखत गरेका थिए ।

प्रदेश सभाका दुई सदस्य सुन्दर बहादुर बिश्वकर्मा र सीता गुरुङ भने सोही दिन बीरगंजमा सम्पन्न भएको नेकपा एमालेको प्रदेश कमिटीको बैठकमा सहभागि भएका थिए ।

बैठकमा पार्टीको बारा जिल्ला कमिटीको अध्यक्षको हैसियतमा बिश्वकर्माले बारामा पार्टीको अवस्थाको बारेमा रिपोटिङ गरेका थिए । पार्टीलाई मजवुत र जनताकोवीचमा स्थापित गर्न सिंगो पार्टीलाई क्रिाशिल बनाउने प्रतिवद्धता जनाएका थिए ।

तिनै बिश्वकर्मा र गुरुङ आइतवार जनकपुरस्थित प्रदेश निर्वाचन कार्यालय पुगेर दुबैजना एकीकृत समाजवादीको पक्षमा सनाखत गरेका छन । यो संगै नेकपा एस का प्रदेश २ को सभामा १३ जना सदस्य पुगेका छन । 

२१ जना प्रदेश सांसद रहेको एमालेमा अब मात्र ८ सांसद बाँकी छन । एमालेका १३ जना प्रदेश सांसद एकीकृत समाजवादीमा सनाखत गरिसकेको छ । 

प्रदेश सभाको गठन पछि एमालेको संसदीय दलको नेता चयन हुदा नै बिश्वकर्मा र गुरुङले समुह परिर्वतन गरेका थिए । त्यतीबेला पनि माधव नेपाल समुहमा रहेका उनीहरुले  संसदीय दलको नेताको चयनमा भने के.पी.ओली समुहका नेता सत्यनारायण मंडललाई भोट हालेका थिए ।

त्यसबाट बिश्वकर्माले पुरस्कारमा संसदीय दलको सचेतकको जिम्मेवारी पाएका थिए । आफनो समुह प्रति बिश्वकर्मा  र गुरुङले इमान्दारिता देखाउन सकेको भए अर्का नेता शत्रुघ्न महतो उतिबेलै संसदीय दलको नेतामा चयन हुन्थे ।

नेकपा कालमा पार्टी भित्रको आन्तरिक बिवादमा पनि बाराको अध्यक्ष रहेका बिश्वकर्माले पटक पटक अस्थिर चरित्र प्रर्दशन गरेका थिए । कहिले के.पी.ओली समुहमा रहेको बिज्ञप्ति जारी गर्ने कहिले माधव प्रचण्ड समुहमा फर्केको बताउने ।

यो क्रम बिश्वकर्मा र गुरुङले पटक पटक दोहर्याएका थिए । गुरुङ र बिश्वकर्माको राजनीतिक जोडी पार्टी भित्र पनि चर्चाको बिषय बन्ने गरेको छ । पछिल्लो पटक पनि बिश्वकर्मा र गुरुङले नेकपा एस संग दुई मंत्री पद माँग गरेको नेकपा एसका एक नेताले बताएका छन ।

माधव नेपालको गृहप्रदेश २ मा यसै पनि प्रदेश सभामा माधव नेपाल समुह बलियो रहेको अवस्थामा आफनै समुहका दुई सदस्य एमालेमा बस्ने कुरा माधव नेपालको राजनीतिक प्रतिष्ठाकालागि पनि गम्भिर बिषय थियो । उता आफनो बार्गेनिङ पावर बढाउन बिश्वकर्मा र गुरुङ एमालेको अभियानमा संलग्न भएका थिए ।

बिश्वकर्मा र गुरुङको अवसरवादी चरित्रका कारण आजीत नेकपा एसको प्रदेश २ कमाण्डले मंत्री पदको आश्वासन दिएपछि लामा र बिश्वकर्माको यो जोडी नेकपा एसमा खुलेको स्रोतको दावी छ । 

राजनीतिक रुपमा पल पल बिचलित हुने । अवसरकालागि सबै प्रकारका बैध अबैध र सम्झौता परस्त काम गर्ने छावि भएका बिश्वकर्मालाई पार्टीले भने पटक पटक अवसर दिएको थियो । 

०५८ सालमा दलीत उत्थान प्रतिष्ठानको निर्देशक हुदा राजाको कदमको स्वागगत गर्दै  बिश्वकर्माले  बिज्ञप्ति जारी गरेका थिए । त्यतीबेलानै मुक्ति समाजको समेत केन्द्रीय सदस्य रहेका बिश्वकर्मालाई संगठन र पार्टीको सदस्य समते नरहने गरि दण्डीत गरेको थियो ।

पार्टी भित्रको गुटगत राजनीतिले निम्त्याएको द्वण्द्वको उपयोग गर्दै कम्युनिष्ट आन्दोलनको उर्वर भूमी बारा जिल्लाको पार्टीको अध्यक्ष भएका बिश्वकर्माले आफूलाई मात्र केन्द्रमा राखेर एमालेको दिएको पद र प्रतिष्ठा आफनै हितमा उपयोग गरे पार्टी कमजोर भयो बिश्वकर्माले अवसर पाइरहे । 

तिनै बिश्वकर्मा र लामा जनकपुरस्थित प्रदेश निर्वाचन कार्यालय पुगेर एकीकृत समाजवादीमा सनाखत गरेसंगै एमाले भन्दा बलियो समाजवादी भएको छ ।

यसअघि  गत बिहीबार एमालेका ११ जना प्रदेश सांसदले एकीकृत समाजवादी पार्टीमा सनाखत गरेका थिए । प्रदेश सांसदहरु सत्रुध्न महतो, मञ्जु यादव, चन्द्र सेन प्रसाद श्रीवास्तव, नागेन्द्र यादव, गोविन्द न्यौपाने, बेची लुंगेली, रविन्द्र बैठा, हसिमा खातुन, अशोक यादव , प्रमोद यादव र डिल्ली उप्रेतीले सनाखत गरेका थिए । यादव र डिल्ली उप्रेतीले सनाखत गरेका थिए ।