वीरगञ्ज । नेकपा एमालेको भातृ सङ्गठन राष्ट्रिय युवा सङ्घ नेपालको मधेस प्रदेश इन्चार्जको जिम्मेवारी पर्साका मोहम्मद निजामले पाएका छन् ।
सङ्घको केन्द्रीय सचिवालय सदस्य समेत रहेका निजामलाई मधेस प्रदेश इन्चार्जको जिम्मेवारी दिइएको हो । निजाम सङ्घको केन्द्रीय सचिवालय सदस्य हुँदै इन्चार्ज बनेका हुन् ।
मधेस प्रदेशका युवाहरूबिच निकै लोकप्रिय निजाम नेकपा एमाले मधेस प्रदेश कमिटीको सदस्य समेत हुन् । राजनीतिकसँगै समाज सेवामा पनि सर्किय निजाम पछिल्लो पटक जाजरकोटमा गएको भूकम्प पश्चात् पार्टीले गरेको निर्णयअनुसार पूर्ण निर्माणको कार्यमा पनि खटिएका थिए । त्यस्तै उनी कोरोना कालमा पनि उतिकै सक्रिय थिए ।
निजाम पर्सा निर्वाचन क्षेत्र नम्बर ३ का प्रतिनिधिसभा सदस्य राजकुमार गुप्ताका स्वकीय सचिव पनि हुन् । त्यस्तै युवा संघ नेपालको मधेश प्रदेश कमिटीको सह इन्चार्जको जिम्मेवारी भावना आचार्य र मनिष श्रेष्ठले पाएका छन् ।
आचार्य बाार जिल्ला निवासी हुन । नेकपा एमालेको जिल्ला कमिटीको सदस्य समेत रहेकी आचार्य जुझारु महिला नेतृ हुन । त्यस्तै पर्सा जिल्लाको युवा संघको इन्चार्जको जिम्मेवारी रवी गुप्ताले पाएका छन । युवाहरुवीच लोकप्रिय गुप्ता शालीन र भद्र स्वाभावका युवा नेताको रुपमा परिचीत छन ।
तपाईको प्रतिक्रिया