समाजवादी दलित मुक्ति संगठन पर्साको अध्यक्षमा पासवान चयन

इसीमाना सम्वाददाता २०८० पौष १५ गते ०५: ११ मा प्रकाशित 367 पटक पढिएको

बीरगंज । समाजवादी दलित मुक्ति संगठन पर्साको अध्यक्षमा नागेन्द्र हजरा पासवान चयन भएका छन । सखुवा प्रसौनी गाउँपालिकामा भएको दलीत अगुवाहरुको भेलाले पासवानलाई सर्वसम्मत रुपमा अध्यक्षमा चयन गरेको हो ।

संगठनको उपाध्यक्षमा जगत राम सचिवमा गणेश राम र सदस्यहरुमा चन्दभूषण पासवान,शान्ति देबि राम लगायतलाई चयन गरेको छ ।

नवनिर्वाचित पदाधिकारी तथा सदस्यहरुलाई बधाई तथा शुभकामना दिदै जसपा नेपालको राजनीतिक समिति सदस्य एबम सङ्गठनका केन्द्रिय इन्चार्ज चन्देश्वर पासवानले आगामी दिनमा संगठनलाई चुस्तदुरुत बनाउन निर्देशन दिए । जनता समाजवादी पार्टीको संघर्षका कारण दलीत समुदाय राज्य र राजनीतिको मुल प्रवाहमा सहभागिता सुनिश्चित भएको बताए ।

देश संघीयतामा गए पनि स्थानीय तहले दलितहरुको मुद्दालाई स्थानीय स्तरमा अझै सम्बोधन नगरेको बताए । दलीतका मुद्धा लिएर संगठनले स्थानीय स्तरमै दवाव र हस्तक्षेपको नीति लिनु पर्ने बताए ।

कार्यक्रममा पूर्व सासद चमेलि देवि दास, जसपाका राजनीतिक समिति सदस्य सुरेन्द्र प्रसाद कुर्मी, केन्द्रिय सदस्य फिरोज मन्सुर, जिल्ला अध्यक्ष रामनरेश प्रसाद यादव, जिल्ला सचीव तबरेज अहमद, समाजवादी दलित मुक्ति संगठनका मधेस प्रदेश अध्यक्ष रामो महरा, सखुवाप्रसैनी गापाका पूर्व अध्यक्ष तथा पार्टी अध्यक्ष प्रदिप जयसवाल र युवानेता असलमको उपस्तिथि रहेको थियो ।