सरकार बिरुद्ध बीरगंजमा नेपाली कांग्रेसको भब्य प्रर्दशन, सर्वसत्तावाद चल्न नदिने उद्धघोष
नेपाली कांग्रेस पर्साले सरकार बिरुद्ध भब्य प्रर्दशन तथा कोण सभा सम्पन्न गरेको छ । नेपाली कांग्रेसले देशब्यापी प्रर्दशनको निर्णय गरे अनुसार बीरगंजमा प्रर्दशन गरेको हो ।
नेपाली कांग्रेसले २६ मंसीरमा ओली सरकार सर्वसत्तावादी तथा निरंकुश भएको र भ्रष्टाचारमा चुर्लुम्म डुबेको भन्दै बिरोध प्रर्दशन गर्ने निर्णय गरेको थियो ।
तनहुमा नेपाली कांग्रेसका बरिष्ठ नेता रामचन्द्र पौडेललाई प्रहरीले केही घण्टा नियन्त्रणमा लिएको घटना पछि कांग्रेस सरकारका बिरुद्ध आन्दोलीत भएको हो ।
नेपाली कांग्रेसले वरिष्ठ नेता रामचन्द्र पौडेलमाथि गृह जिल्ला तनहुँमा भएको दुर्व्यवहार, कोरोना नियन्त्रणमा सरकारको असफलता, भ्रष्टाचार, संवैधानिक अंगलाई कमजोर बनाउने काम भएको भन्दै आज बीरगंजमा विरोध प्रदर्शन गरेको नेपाली कांग्रेस पर्साका सभापति अजय कुमार द्विवेदीले बताउनु भयो ।
वर्तमान सरकार देशमा बढेको बेरोजगारको अवस्थाबाट बेखवर भएकोले युवाहरुमा निराशा देखिएको युवा नेता दीलीप कार्कीले टिप्पणी गर्नु भयो ।
सरकारको ताल देखेर युवाहरुमा निराशा छ यो निराशालाई आशामा रुपान्तरित गर्न नेपाली कांग्रेसले मात्र सक्ने कार्कीको भनाइ छ
सरकार बिरोधी नारा लगाउदै नेपाली कांग्रेसले बीरगंजको घण्टाघरबाट प्रर्दशन गरेको थियो । शहरका मुख्य भागको परिक्रमा गरि जुलुश घण्टाघरमा पुगेर कोण सभामा परिणत भएको थियो । सभालाई नेपाली कांग्रेसका केन्द्रीय अनुशासन बिभागका प्रमुख रमेश रिजाल, मधेश बिभागका प्रमुख अजय कुमार चौरसिया , पूर्व मंत्री सुरेन्द्र चौधरी,संविधान सभाका सदस्यहरु राजेन्द्र बहादुर अमात्य, अनिल रुङगटा,रामेश्वर रौनीयार प्रदेश सभाका सदस्यहरु राजेश्वर साह र शंकर चौधरी बीरेन्द्रलाल नेपाली लगायतले सम्बोधन गर्नु भएको थियो । वक्ताहरुले ओली सरकार लोकतन्त्र बिरोधी रहेको बताएका थिए ।
उनीहरुले प्रजातन्त्रको मर्म बिपरित सरकार चलेको आारेप लगाए । सरकार भ्रष्टाचारमा लिप्त भएको भन्दै वक्ताहरुले नागरिकले सरकारबाट केही नपाएको आरोप लगाएका थिए ।
कार्यक्रम नेपाली कांग्रेस पर्साका सभापति अजय कुमार द्विवेदीको अध्यक्षतामा सम्पन्न भएको थियो ।
कार्यक्रममा नेपाली कांग्रेसका पर्साका नेता तथा अन्य भातृसंस्थाका नेता कार्यकर्ताको उललेख्य सहभागिता रहेको थियो ।
सम्बन्धित शीर्षकहरु
सीमापारी/अन्तराष्ट्रिय
अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा
टेक्सस । अमेरिकाको टेक्सस राज्य संसद्ले १३ मार्चलाई ‘नेपाली लुम्बिनी एड्भोकेसी डे’ घोषणा गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
मननपुरको बाँसघारीमा २४ किलो लागु औषध चरेस बरामद
वीरगन्ज । पर्साको पोखरियाबाट सशस्त्र प्रहरीले २४ किलो ५०० ग्राम लागूऔषध चरेस बरामद गरेको छ ।
मधेश प्रहरी प्रमुख आचार्य सहित ६ जना एआईजीमा बढुवा सिफारिश
काठमाडौं । मधेश प्रदेश प्रहरी प्रमुख प्रहरी नायव महानिरीक्षक(डिआईजी) लालमणि आचार्यलाई प्रहरी अतिरिक्त महानिरीक्षक(एआईजी) पदमा बढुवा सिफारिस गरिएको छ ।
खेलकुद
कर्णालीमा हुने दसौँ राष्ट्रिय खेलकुदको लोगो र मस्कट सार्वजनिक
काठमाडौँ । कर्णाली प्रदेशमा हुने दसौँ राष्ट्रिय खेलकुदको लोगो र मस्कट मंगलवार सार्वजनिक गरिएको छ ।
तपाईको प्रतिक्रिया