जनकपुरका शितलले परित्याग गरे एकिकृत समाजवादी पार्टी

इसीमाना सम्वाददाता २०८१ असोज १६ गते ०७: २२ मा प्रकाशित 375 पटक पढिएको

जनकपुरधाम । बृहतर जनकपुरधाम बिकास परिषदका अध्यक्ष शितल साहले नेकपा एकिकृत समाजवादी परित्याग गरेका छन । उनले पार्टी परित्याग गरि स्वतन्त्र बामपन्थीको रुपमा क्रियाशिल रहने बताएका छन ।

नेकपा एकिकृत समाजवादी पार्टीले अनियमितता र भ्रष्टचारजन्य काम गर्ने प्रवतिलाई संरक्षण गर्ने गरेको पाएपछि साहले पार्टी परित्यागको निर्णय लिएका हुन ।

साह नेकपा एकिकृत समाजवादीको मधेश प्रदेशको सदस्य र पार्टीको प्रचार बिभाग सदस्य एवं मधेश इन्चार्ज समेत हुन ।

नेपाल पत्रकार महासंघको पूर्व केन्द्रीय कोषाध्यक्ष समेत रहेका साहले पार्टी परित्याग गर्नाले धनुषामा नेकाप एसलाई निकै ठुलो क्षती हुने भएको छ ।

मधेशबाट पत्रकारिताका स्थापित साहलाई सरकारले बृहतर जनकपुरधाम बिकास परिषदको अध्यक्ष नियुक्त गरेको थियो ।

बृहतर जनकपुरधाम बिकास परिषद भित्रको बेथितिलाई अन्त्य गर्ने अभियानमा लागेका अध्यक्ष साहलाई पार्टीकै नेताहरुका आसोपासे लगाएर घेराबन्दी गर्न थालिएको स्रोतले जनायो ।

पार्टीको असहयोगका कारण आहत साह पार्टी अध्यक्ष माधव नेपालको जनकपुरमा आगमन हुदा समेत उनी कतै देखिएनन । माधव नेपालले साहलाई फोन गरेरै कार्यक्रममा सहभागि नभएको बारेमा सोधनी गरेको स्रोतले जनायो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।