वीरगन्ज। जसपाको तर्फबाट पर्साको क्षेत्र नं १ का उम्मेदवार रामनरेश यादवले मधेसको अधिकार र सम्मानका लागि जसपा नेपालले मात्र योगदान गर्न सक्ने बताएका छन ।
वीरगन्ज महानगरपालिका–३०, लालपर्सामा घरदैलो तथा मतदाता भेटघाट कार्यक्रममा मतदाता समक्ष उनले यस्तो बताएका हुन । उनले मधेशको पहिचानकोलागि भएको आन्दोलन र त्यसमा भएको शहादतलाई जसपाले मात्र सम्झदै आएको बताए ।
मधेशको मुद्धाको सृजना पनि जसपाले गरेको र त्यसलाई पुरा गर्नकालागि योगदान पनि जसपाले मात्र गर्ने बताए ।
भेटघाटका क्रममा उम्मेदवार यादवले मधेसका दीर्घकालीन मुद्दाहरू समाधान गर्न जनता समाजवादी पार्टी सक्षम रहेको दाबी गरे ।
उनले मधेसको पहिचान, अधिकार र सम्मान सुनिश्चित गर्न सशक्त तथा जुझारू नेतृत्व आवश्यक रहेको उल्लेख गर्दै मतदातालाई सचेतता पूर्वक निर्णय लिन आग्रह गरे ।
यादवले विभिन्न आश्वासन र प्रलोभनबाट प्रभावित नहुन मतदातालाई अपिल गर्दै आफ्नो हक–अधिकारका लागि संघर्ष गर्न सक्ने नेतृत्व चयन गर्नुपर्ने धारणा राखो ।
स्थानीय मतदातासँग प्रत्यक्ष संवाद गर्दै उनले आगामी निर्वाचन मधेसको अधिकार र पहिचानका लागि निर्णायक हुने बताए ।
तपाईको प्रतिक्रिया